Papa Sixtus II

Papa Sixtus II alikuwa Papa kuanzia tarehe 30 Agosti 257 hadi kifodini chake tarehe 6 Agosti 258^[1]. Alitokea Ugiriki^[2].

Kuuawa kwa Papa Sixtus II na mashemasi wake 6.

Alimfuata Papa Stefano I akafuatwa na Papa Dionysius.

Alirudisha umoja na makanisa ya Mashariki na Afrika Kaskazini uliowahi kuhatarishwa na misimamo tofauti kuhusu ubatizo uliotolewa na waliojitenga na Kanisa Katoliki.

Alikamatwa akihubiria ndugu wa imani juu ya sheria za Mungu wakati wa adhimisho la ekaristi^[3].

Tangu kale anaheshimiwa kama mtakatifu mfiadini pamoja na mashemasi wake sita: Januari, Vinsenti, Magnus, Stefano, mbali ya Agapito na Felisisimi waliouawa siku hiyohiyo sehemu nyingine chini ya kaisari Valeriani^[4]. Katika Kanuni ya Kirumi anatajwa pamoja na shemasi wake wa saba, Laurenti, aliyeuawa siku tatu baadaye.

Sikukuu yake ni tarehe 7 Agosti^[5].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa
• Mababu wa Kanisa

Maandishi yake

• Opera Omnia