ஆந்திரப் பிரதேசத்திலுள்ள நகரங்களின் பட்டியல்

ஆந்திரப் பிரதேசத்திலுள்ள நகரங்களின் பட்டியல் (List of cities in Andhra Pradesh) என்ற இக்கட்டுரையில் இந்தியாவின் ஆந்திரப் பிரதேச மாநிலத்திலுள்ள நகரங்களின் விவரங்கள் பட்டியலிடப்பட்டுள்ளன. இந்திய அரசாங்கத்தின் உள்துறை அமைச்சகத்தின் கட்டுப்பாட்டிலுள்ள பதிவாளர் மற்றும் மக்கள்தொகை கணக்கு ஆணையரின் அலுவலகம் நடத்திய 2011 ஆம் ஆண்டு கணக்கெடுப்புகளின் அடிப்படையில் இப்பட்டியல் தயாரிக்கப்பட்டுள்ளது.

நகரப் புள்ளி விவரங்கள்

2011 ஆம் ஆண்டு கணக்கெடுப்பின்படி, 1,00,000 மற்றும் அதற்கு மேலான மக்கள் தொகை கொண்ட நகரங்கள் நகரங்கள் என அழைக்கப்படுகின்றன ^[1]. மாநிலத் தலைநகரான அமராவதி உட்பட மொத்தம் 31 நகரங்கள் ஆந்திர மாநிலத்தில் உள்ளன ^[2]. இந்நகரங்களில் 14 மாநகராட்சிகள், 16 நகராட்சிகள் உள்ளடங்கியுள்ளன ^[3]. மாநிலத்தின் பதின்மூன்று மாவட்ட தலைநகரங்களும் நகரங்களாக வகைப்படுத்தப்படுகின்றன. இவையாவும் மாநகராட்சி தரநிலையில் உள்ளவையாகும். , சுற்றியுள்ள கிராமங்களையும் விசாகப்பட்டினம் மாவட்டத்தில் இணைத்த பிறகான கணக்கெடுப்பின்படி விசாகப்பட்டினத்தின் மக்கள் தொகை 20,35,922 பேர் ஆகும். இம்மாநிலத்தில் மக்கள்தொகை அதிகம் கொண்ட நகரமாக விசாகப்பட்டினம் கருதப்படுகிறது. 1,25,939 பேரை மக்கள்தொகையாகக் கொண்ட சிறீகாகுளம், குறைந்த மக்கள் தொகை கொண்ட மாநகராட்சியாகவும் கருதப்படுகிறது ^[3] விசாகப்பட்டினம் மற்றும் அமராவதி ஆகிய இரண்டு நகரங்களும் மக்கள் தொகை மிகுந்த பெரு நகரங்களாகக் கருதப்படுகின்றன.^[4]. பரப்பளவின் அடிப்படையில் கணக்கிட்டால் விசாகப்பட்டினம் 681.96 கி.மீ 2 பரப்பளவைக் கொண்டு மிகப்பெரிய மாநகராட்சியாகத் திகழ்கிறது. இதற்கு அடுத்ததாக மாநிலத்தின் தலைநகரம் அமராவதி இரண்டாவது இடத்தைப் பிடிக்கிறது. 7.12 கி.மீ 2 பரப்பளவைக் கொண்ட புரோத்தாதூர் நகரம் மிகச்சிறிய நகராட்சியாகும்.ஆந்திரப் பிரதேசத்தில் மக்களடர்த்தி குறைந்த நகரமாக விசாகப்பட்டினமும், மக்களடர்த்தி மிகுந்த நகரமாக ஏலூரு நகரமும் கருதப்படுகின்றன. மாநகராட்சிகளில் 14.55 கி.மீ 2 பரப்பளவைக் கொண்ட ஏலூரு நகரம் சிறிய மாநகராட்சியாகக் கருதப்படுகிறது ^[3].

நகரங்களின் பட்டியல்

குறிப்பு

• ‡ — மாநிலத் தலைநகர் அமராவதி

மச்சிலிப்பட்டினம், விசயநகரம் முதலியன மாநகராட்சியாக மேம்படுத்தப்பட்டு நகராட்சியாகவே உள்ளன ^[5][6].

வ.எண்.	பெயர்	மாவட்டம்	வகை	மக்கள் தொகை (2011)[3][7]	பரப்பளவு (sq.km.)[3]	மேற்கோள்
1	விசாகப்பட்டினம்[8]	விசாகப்பட்டினம்	மாநகராட்சி	2,035,922	540.00
2	விசயவாடா	என் டி ஆர்	மாநகராட்சி (அமராவதி)	1,048,240	110.44	[9]
3	குண்டூர்	குண்டூர்	மாநகராட்சி (அமராவதி)	743,354	164.48	[10]
4	நெல்லூர்	நெல்லூர்	மாநகராட்சி	600,869	230.41	[11][12]
5	ராசமுந்திரி	கிழக்கு கோதாவரி	மாநகராட்சி	434,920	144.73	[13]
6	கடப்பா	கடப்பா	மாநகராட்சி	343,054	164.08	[14]
7	கர்னூல்	கர்னூல்	மாநகராட்சி	430,214	49.50
8	காக்கிநாடா	கிழக்கு கோதாவரி	மாநகராட்சி	312,538	30.51
9	திருப்பதி	திருப்பதி	மாநகராட்சி	287,482	27.44
10	அனந்தபூர்	அனந்தபூர்	மாநகராட்சி	261,004	47.50
11	விசயநகரம்	விசயநகரம்	நகராட்சி	228,025	27.90	[6]
12	ஏலூரு	மேற்கு கோதாவரி	மாநகராட்சி	217,876	14.50	[15]
13	ஓங்கோல்	பிரகாசம்	மாநகராட்சி	204,746	25.00	[16]
14	நந்தியால்	நந்தியால்	நகராட்சி	200,746	19.00	[17]
15	மச்சிலிப்பட்டினம்	கிருட்டிணா	நகராட்சி	169,892	26.67	[6]
16	ஆதோனி	கர்னூல்	நகராட்சி	166,537	32.71	[18]
17	தெனாலி	குண்டூர்	நகராட்சி	164,937	15.12
18	புரோட்டத்தூர்	கடப்பா	நகராட்சி	162,717	7.12
19	சித்தூர்	சித்தூர்	மாநகராட்சி	153,766	95.97	[19]
20	இந்துப்பூர்	ஸ்ரீசத்ய சாய்	நகராட்சி	151,835	24.06	[20]
21	பீமவரம்	மேற்கு கோதாவரி	நகராட்சி	142,280	25.60	[21]
22	மதனப்பள்ளி	அன்னமய்யா	நகராட்சி	135,669	14.20	[22]
23	குண்டக்கல்	அனந்தபூர்	நகராட்சி	126,270	40.87	[23]
24	சிறீகாகுளம்	சிறீகாகுளம்	மாநகராட்சி	125,939	20.89	[6][24]
25	தர்மவரம்	ஸ்ரீசத்ய சாய்	நகராட்சி	121,874	40.50
26	குடிவாடா	கிருட்டிணா	நகராட்சி	118,167	12.67
27	நரசராவ்பேட்டை	குண்டூர்	நகராட்சி	116,250	7.65	[25]
28	தாடிபத்திரி	அனந்தபூர்	நகராட்சி	108,171	7.46	[26]
29	காவலி	நெல்லூர்	நகராட்சி	104,000	61.09
30	தாடேபள்ளிகூடம்	மேற்கு கோதாவரி	நகராட்சி	103,906	20.71
31	அமராவதி ‡	குண்டூர்	வகைப்படுத்தப்படவில்லை	103,000	217.23	[27][28]