கொராங்கி மாவட்டம்
From Wikipedia, the free encyclopedia
Remove ads
கொராங்கி மாவட்டம் (Korangi District), பாக்கித்தான் நாட்டின் தெற்கில் உள்ள சிந்து மாகாணத்தின் 30 மாவட்டங்களில் ஒன்றாகும். சிந்து மாகாணத்தின் கராச்சி கோட்டத்தில் அமைந்த இம் மாவட்டத்தின் நிர்வாகத் தலைமையிடம் கொராங்கி நகரம் ஆகும். கொராங்கி நகரமானது, சிந்து மாகாணத் தலைநகரான கராச்சிக்கு தென்கிழக்கே 15 கிலோமீட்டர் தொலைவிலும்; நாட்டின் தலைநகரான இசுலாமாபாத்துக்கு தென்மேற்கே 1,406 கிலோமீட்டர் தொலைவிலும் அமைந்துள்ளது.
Remove ads
மக்கள் தொகை பரம்பல்
2017 பாக்கித்தான் மக்கள்தொகை கணக்கெடுப்பின்படி பாலின விகிதம் 1000 ஆண்களுக்கு 913 பெண்கள் வீதம் உள்ளனர். இதன் சராசரி எழுத்தறிவு 80.19% ஆகும். இதன் மக்கள் தொகையில் 10 வயதிற்குட்பட்ட குழந்தைகள் 578,964 (22.46%) ஆக உள்ளனர்.[5] இம்மாவட்ட மக்கள் அனைவரும் நகர்புறங்களில் வாழ்கின்றனர்.
2023 பாக்கித்தான் மக்கள்தொகை கணக்கெடுப்பின்படி 493,504 குடியிருப்புகள் கொண்ட இம்மாவட்ட மக்கள் தொகை 3,127,976 ஆகும்.[3]
மொழி
இம்மாவட்டத்தில் உருது மொழியை 70.48%, பஞ்சாபி மொழியை 9.53%, சிந்தி மொழியை 5.52%, பஷ்தூ மொழியை 4.31%, சராய்கி மொழியை 2.73%, இந்த்கோ மொழியை 2.64%, பிற மொழிகளை 4.79% மக்கள் பேசுகிறனர்[6]..
சமயம்
இம்மாவட்டத்தில் இசுலாம் சமயத்தை 96.03% மக்களும், இந்து சமயத்தை 0.44% மக்களும், கிறித்துவ சமயத்தை 3.42% மக்களும் மற்றும் பிற சமயங்களை 0.11% மக்களும் பின்பற்றுகின்றனர்[7].
Remove ads
மாவட்ட நிர்வாகம்
கொராங்கி மாவட்டம் கொராங்கி நகர்புற வட்டம், லாந்தி நகர்புற வட்டம், மாடல் காலனி நகர்புற வட்டம் மற்றும் ஷா பைசல் நகர்புற வட்டங்களையும்[8], 29 ஒன்றியக் குழுக்களையும் கொண்டுள்ளது.
அரசியல்
பாகிஸ்தான் நாடாளுமன்றத்திற்கு (National Assembly) இம்மாவட்டம் 3 நாடாளுமன்றத் தொகுதிகளைக் கொண்டுள்ளது.
- NA-232 கராச்சி கொராங்கி-I
- NA-233 கராச்சி கொராங்கி-II
- NA-234 கராச்சி கொராங்கி-III
இதனையும் காண்க
மேற்கோள்கள்
Wikiwand - on
Seamless Wikipedia browsing. On steroids.
Remove ads