கோசி மாநிலம்
From Wikipedia, the free encyclopedia
Remove ads
கோசி மாநிலம் (Khoshi Province) நேபாளத்தின் 7 எண்களின் பெயர்களைக் கொண்ட மாநிலங்களில் ஒன்றாகும். மாநில எண் 1 நேபாளத்தின் புதிய அரசியல் அமைப்பு சட்டப்படி, 20 செப்டம்பர் 2015 அன்று துவக்கப்பட்டது.[2][3]17 சனவரி 2018 அன்று இம்மாநிலத்தின் தலைநகரமாக விராட்நகர் அறிவிக்கப்பட்டுள்ளது.[4] [5] [6] நேபாள மாநில எண் 1 என்று பெயரிருட்ந்த இம்மாநிலத்தில் கோசி ஆறு பாய்வதால் இம்மாநிலத்திற்கு 1 மார்ச் 2023 அன்று கோசி மாநிலம் எனப்பெயரிடப்பட்டது.
நேபாளத்தின் கிழக்குப் பகுதியின் இமயமலையில் அமைந்த இம்மாநிலத்தின் மொத்தப் பரப்பளவு 25,905 சதுர கிலோ மீட்டர் ஆகும். இம்மாநிலத்தின் மொத்த மக்கள் தொகை 4,534,943 ஆக உள்ளது. இம்மாநிலத்தின் மக்கள் அடர்த்தி ஒரு சதுர கிலோ மீட்டரில் 175.6 ஆக உள்ளது. [7]இம்மாநிலம் 14 மாவட்டங்களைக் கொண்டது.
Remove ads
அமைவிடம்
நேபாளத்தின் தூர-கிழக்கில் அமைந்த இம்மாநிலத்தின் வடக்கில் திபெத் தன்னாட்சிப் பகுதியும், தெற்கில் இந்தியாவின் பிகார், கிழக்கில் சிக்கிம், தென் மேற்கில் நேபாள மாநில எண் 2, மேற்கில் நேபாள மாநில எண் 3 எல்லைகளாக அமைந்துள்ளது.
மாவட்டங்கள்
நேபாள மாநில எண் 1-இல் அமைந்துள்ள 14 மாவட்டங்களின் விவரங்கள்:
- 1.. தாப்லேஜங் மாவட்டம்
- 2. பாஞ்சதர் மாவட்டம்
- 3. இலாம் மாவட்டம்
- 4. சங்குவாசபா மாவட்டம்
- 5. தேஹ்ரதும் மாவட்டம்
- 6. தன்குட்டா மாவட்டம்
- 7. போஜ்பூர் மாவட்டம்
- 8. கோடாங் மாவட்டம்
- 9. சோலுகும்பு மாவட்டம்
- 10. ஒகல்டுங்கா மாவட்டம்
- 11. உதயபூர் மாவட்டம்
- 12. ஜாப்பா மாவட்டம்
- 13. மொரங் மாவட்டம்
- 14. சுன்சரி மாவட்டம்
அரசியல்
இம்மாநில சட்டமன்றத்தின் 93 சட்டமன்ற உறுப்பினர்களில் 56 உறுப்பினர்கள் நேரடித் தேர்தலிலும்; 37 உறுப்பினர்கள் விகிசாத்சாரத் தேர்தல் முறையில் தேர்வு செய்யப்படுகின்றனர். இம்மாநிலத்திலிருந்து நேபாள தேசிய சபைக்கு 8 உறுப்பினர்களையும், நேபாள பிரதிநிதிகள் சபைக்கு 28 உறுப்பினர்களையும் தேர்வு செய்கின்றனர்.
இம்மாநிலத்தின் முதலாவது முதலமைச்சராக மார்க்சிஸ்ட்-லெனினிஸ்ட் ஒன்றியத்தின் செர்தன் ராய் 15 பிப்ரவரி 2018 அன்று பதவியேற்றார். [8]
சுற்றுலாத் தலங்கள்
- கஞ்சஞ்சங்கா மலை
- எவரெசுட்டு சிகரம்
- சாகர்மாதா தேசியப் பூங்கா
- கோசி தாப்பு காட்டுயிர் காப்பகம்
மாநில சட்டமன்றத் தேர்தல், 2017
2017ம் ஆண்டின் இறுதியில் நடைபெற்ற இம்மாநில சட்டமன்றத்தின் 93 உறுப்பினர்களுக்கான பொதுத் தேர்தலில் மார்க்சிஸ்ட்-லெனினிஸ்ட் ஒன்றியம் 51 இடங்களையும், மாவோயிஸ்ட் 15 இடங்களை வென்று கூட்டணி அரசு அமைத்துள்ளது. நேபாளி காங்கிரஸ் 21 இடங்களையும், பிற கட்சிகள் ஆறு இடங்களைக் கைப்பற்றியுள்ளது.
Remove ads
இதனையும் காண்க
மேற்கோள்கள்
Wikiwand - on
Seamless Wikipedia browsing. On steroids.
Remove ads