புல்வாமா மாவட்டம்
சம்மு காசுமீர் ஒன்றியப் பகுதியில் உள்ள மாவட்டம் From Wikipedia, the free encyclopedia
Remove ads
புல்வாமா மாவட்டம் (Pulwama district), இந்தியாவின் சம்மு காசுமீர் மாநிலத்தின் இருபத்தி இரண்டு மாவட்டங்களில் ஒன்றாகும். இம்மாவட்டத்தின் தலைமையிடம் புல்வாமா நகரமாகும்.
Remove ads
மாவட்ட நிர்வாகம்
புல்வாமா மாவட்டம் 1086 சதுர கிலோமீட்டர்கள் பரப்பளவு கொண்டதாகும். இம்மாவட்டத்தில் அவந்திபோரா, பாம்போரா, புல்வாமா மற்றும் டிரால் போன்ற நான்கு வருவாய் வட்டங்களைக் கொண்டுள்ளது.[1] மேலும் இம்மாவட்டம் டிரால், கெல்லர், பாம்போரா, புல்வாமா மற்றும் கக்கபோரா என ஐந்து ஊராட்சி ஒன்றியங்களை கொண்டுள்ளது.[2]
மாவட்ட எல்லைகள்
புல்வாமா மாவட்டத்தின் வடக்கில் ஸ்ரீநகர் மாவட்டம், தெற்கில் குல்காம் மாவட்டம், மேற்கில் பட்காம் மாவட்டம், தென்மேற்கில் சோபியான் மாவட்டம், கிழக்கில் அனந்தநாக் மாவட்டம் எல்லைகளாக கொண்டுள்ளது.
அரசியல்
புல்வாமா மாவட்டம் டிரால், பாம்போரா, புல்வாமா, இராஜ்போரா என நான்கு சட்டமன்ற தொகுதிகளை கொண்டுள்ளது.[3]
மக்கள் வகைப்பாடு
2011 ஆம் ஆண்டு இந்திய மக்கள் தொகை கணக்கெடுப்பின் படி புல்வாமா மாவட்டத்தின் மொத்த மக்கள் தொகை 5,60,440 ஆக உள்ளது. மக்கள் தொகை அடிப்படையில், 640 இந்திய மாவட்டங்களில் புல்வாமா மாவட்டம் 535வது இடத்தில் உள்ளது. மொத்த மக்கள் தொகையில் ஆறு வயதிற்கு உட்பட்டவர்கள் 53,234 ஆக உள்ளனர். இம்மாவட்டத்தின் மக்கள்தொகை அடர்த்தி ஒரு சதுர கிலோ மீட்டருக்கு 516 ஆக உள்ளது. பாலின விகிதம் ஆயிரம் ஆண்களுக்கு 912 பெண்கள் வீதம் உள்ளனர். எழுத்தறிவு 63.48% விழுக்காடாக உள்ளது. ஆண்களின் எழுத்தறிவு 74.36% ஆகவும், பெண்களின் எழுத்தறிவு 51.80% ஆகவும் உள்ளது.[4]
Remove ads
தொடருந்து நிலையங்கள்
புல்வாமா மாவட்டத்தில் உள்ள 4 தொடருந்து நிலையங்களான அவந்திபுரா தொடருந்து நிலையம், கக்கபோரா தொடருந்து நிலையம், பம்போர் தொடருந்து நிலையம் தொடருந்து நிலையங்கள் காஷ்மீர் பள்ளத்தாக்கில் உள்ள சிறிநகர், பட்காம், பாரமுல்லா, அனந்தநாக், இராம்பன், பனிஹால் போன்ற முக்கிய நகரங்களுடன் ஜம்மு-பாரமுல்லா இருப்புப் பாதை மூலம் இணைக்கிறது.
இதனையும் காண்க
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads