செரி ராயா எம்ஆர்டி நிலையம்

செரி ராயா எம்ஆர்டி நிலையம் (ஆங்கிலம்: Sri Raya MRT Station அல்லது Taman Cuepacs MRT Station; மலாய்: Stesen MRT Sri Raya) என்பது மலேசியா, கோலாலம்பூர், செராஸ், 10-ஆவது மைல் (Taman Sri Raya) பண்டார் துன் ரசாக் மக்களவைத் தொகுதியில் உள்ள ஒரு விரைவுப் போக்குவரத்து (MRT) நிலையம் ஆகும். இந்த நிலையம் கிள்ளான் பள்ளத்தாக்கு பெரும் விரைவு போக்குவரத்து (KVMRT) காஜாங் எம்ஆர்டி வழித்தடத்தின் நிலையங்களில் ஒன்றாகும்.

KG28  செரி ராயா
| எம்ஆர்டி
செரி ராயா நிலையம்
பொது தகவல்கள்
வேறு பெயர்கள்	Sri Raya MRT Station Stesen MRT Sri Raya சீனம்: 斯里拉也
அமைவிடம்	செராஸ் கோலாலம்பூர்  மலேசியா
ஆள்கூறுகள்	3°12′23″N 101°34′49″E
உரிமம்	எம்ஆர்டி நிறுவனம்
இயக்குபவர்	ரேபிட் ரெயில் ரேபிட் கேஎல்
தடங்கள்	9  காஜாங்
நடைமேடை	2 பக்க நடைமேடை
இருப்புப் பாதைகள்	2 தடங்கள்
கட்டமைப்பு
கட்டமைப்பு வகை	உயர்மட்ட நிலையம்
நடைமேடை அளவுகள்	3
தரிப்பிடம்	628; 62
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KG28
வரலாறு
திறக்கப்பட்டது	KG28  17 சூலை 2017
சேவைகள்
முந்தைய நிலையம்   ரேபிட் கேஎல்   அடுத்த நிலையம்     கோனாட் குவாசா   காஜாங் வழித்தடம்   துன் உசேன் ஓன் காஜாங்
அமைவிடம்

இந்த நிலையம் தற்போது மலேசிய கூட்டரசு சாலை 1 - செராஸ் சாலைக்கும்;  செராஸ்–காஜாங் விரைவுச்சாலை வடக்கு முனையின் கோலாலம்பூர்-சிலாங்கூர் எல்லைக்கு அருகிலும் உள்ளது.

செரி ராயா எம்ஆர்டி நிலையம்; செராஸ்–காஜாங் விரைவுச்சாலை பகுதியில்  (Cheras–Kajang Expressway) செரி ராயா பகுதியில் அமைந்துள்ளது. செரி ராயா என்ற பெயர் கம்போங் செரி ராயா என்ற கிராமத்திலிருந்து (Kampung Sri Raya) வந்தது. செரி ராயா என்பது செராஸின் தெற்கே அமைந்துள்ள ஒரு குடியிருப்புப் பகுதியாகும்.

செரி ராயா

செரி ராயா எம்ஆர்டி நிலையத்திற்கு அருகில் உள்ள குடியிருப்புகளில் தாமான் மெகா செராஸ் (Taman Megah Cheras), தாமான் செராஸ் பெர்மாய் (Taman Cheras Permai), தாமான் கோத்தா செராஸ் (Taman Kota Cheras), தாமான் செரி அமான் (Taman Sri Aman) ஆகியவை அடங்கும். தாமான் மெகா செராஸ் என்பதில் தாமான் என்பது ஒரு குடியிருப்பு பகுதியைக் குறிப்பதாகும்; மலாய் மொழியில் பூங்கா என பொருள்படும். மலேசியாவில் புறநகர்க் குடியிருப்புப் பகுதிகளை 'தாமான்' என குறிப்பிடுகிறார்கள்.

காஜாங் வழித்தடம்

9 காஜாங் வழித்தடம் அல்லது காஜாங் எம்ஆர்டி வழித்தடம் (ஆங்கிலம்: Kajang Line அல்லது MRT Kajang Line அல்லது Kelana Jaya Komuter Line; என்பது மலேசியா கிள்ளான் பள்ளத்தாக்கு பகுதியில் அமைந்துள்ள ஓர் பெரும் விரைவு தொடருந்து வழித்தடம் (Mass Rapid Transit Line) (MRT) ஆகும்.

5 கிளானா ஜெயா இலகு விரைவு தொடருந்து வழித்தடத்திற்கு (LRT Kelana Jaya Line) (LRT) பிறகு கிள்ளான் பள்ளத்தாக்கு பகுதியில் உருவாக்கப்பட்ட இரண்டாவது முழு தானியங்கி மற்றும் ஓட்டுநர் இல்லாத தொடருந்து அமைப்பு ஆகும்.^[1]

பொது

9 சுங்கை பூலோ - காஜாங் எம்ஆர்டி வழித்தடத்தின் இரண்டாம் கட்ட நடவடிக்கையின் கீழ் மியூசியம் நெகாரா எம்ஆர்டி நிலையம் - காஜாங் தொடருந்து நிலையம் வரையில் கட்டப்பட்ட 19 நிலையங்களில் செரி ராயா எம்ஆர்டி நிலையமும் ஒன்றாகும்; 17 சூலை 2017-ஆம் திகதி திறக்கப்பட்டது.^[2] செரி ராயா எம்ஆர்டி நிலையம் உயர்த்தப்பட்ட நிலையம் ஆகும். இந்த நிலையம் பெரும்பாலான செராஸ் புறநகர்ப் பகுதிகளுக்கும் சேவை செய்கிறது.^[3]

நிலைய அமைப்பு

இந்த நிலையம் இரண்டு நிலைகளைக் கொண்ட காஜாங் எம்ஆர்டி வழிதடத்தின் நிலையான உயர்த்தப்பட்ட நிலைய வடிவமைப்பைக் கொண்டுள்ளது. இருப்பினும், பெரும்பாலான உயர்த்தப்பட்ட நிலையங்களைப் போலல்லாமல், இந்த நிலையம் இணைப்புவழி மட்டத்திற்கு மேலே பாதுகாப்பான பக்க நடைமேடைகளைக் கொண்ட ஒரு தீவு மேடையைக் கொண்டுள்ளது.

இந்த நிலையத்தில் இரட்டை வழிதடத்துடன் இரண்டு பாதுகாப்பான பக்க நடைமேடைகள்; மற்றும் தரை மட்டத்திற்கும் நடைமேடை மட்டத்திற்கும் இடையில் பயணச்சீட்டு வழங்கும் வசதியுடன் கூடிய ஒற்றை இணைப்புவழி வசதிகள் உள்ளன. நிலையத்தின் அனைத்து தளநிலைகளும் மின்தூக்கிகள், படிக்கட்டுகள் மற்றும் நகரும் படிக்கட்டுகள் மூலம் இணைக்கப்பட்டுள்ளன.

L2	நடைமேடை	பக்க நடைமேடை
		நடைமேடை 1 9  காஜாங்  (→) காஜாங் தொடருந்து  KG35  (→)
		நடைமேடை 2 9  காஜாங்  (→) குவாசா டாமன்சாரா  KG04  (←)
		பக்க நடைமேடை
L1	இணைப்புவழி	கட்டண வாயில்கள், பயணச்சீட்டு இயந்திரங்கள், வாடிக்கையாளர் சேவை அலுவலகம், நிலையக் கட்டுப்பாடு, கடைகள், பாதசாரி மேம்பாலம் (→) நுழைவாயில் C வழியாக லெய்சர் மால் மற்றும் எக்கோ செராஸ் மால்
G	தரை மட்டம்	நுழைவாயில் A (→) நுழைவாயில் B (→) தனியார் வாடகை ஊர்திகள் நிறுத்துமிடம் (→) செராஸ் சாலை

வெளியேறும் வழிகள் - நுழைவாயில்கள்

இந்த நிலையத்தில் மூன்று நுழைவாயில்கள் உள்ளன. தாமான் கோத்தா செராஸுக்குச் செல்லும் செராஸ்–காஜாங் விரைவுச்சாலைக்கு  நேரடி பாதசாரி இணைப்பை நுழைவாயில் C வழங்குகிறது. நிலையத்தின் ஊட்டி பேருந்து மையத்திலிருந்து நுழைவாயில் A வழியாக ஊட்டி பேருந்துகள் இயக்கப்படுகின்றன.

காஜாங்  வழித்தட நிலையம்
நுழைவாயில்	இடம்	இலக்கு	தோற்றம்
A	தாமான் செரி ராயா (A)	பேருந்து முனையம், பெர்சியாரான் செரி ராயா
B	தாமான் செரி ராயா (B)	தனியார் வாடகை ஊர்திகள் நிறுத்துமிடம், பெர்சியாரான் செரி ராயா, உலு லங்காட் சாலை
C	தாமான் கோத்தா செராஸ்	தாமான் கோத்தா செராஸ், கோத்தா செராஸ் சாலை

பேருந்து சேவைகள்

தாமான் சன்தெக் எம்ஆர்டி நிலையத்தின் பேருந்து சேவைகள்

பேருந்து	தொடக்கம்	இலக்கு	பயணவழி
T414 [4]	செரி ராயா எம்ஆர்டி நிலையம்	தாமான் துன் பேராக் / தாமான் மெகா	உலு லங்காட் சாலை; கோத்தா செராஸ் சாலை, கோத்தா செராஸ் சாலை

பிற பேருந்து சேவைகள்

செரி ராயா எம்ஆர்டி நிலையம் வேறு சில பேருந்து சேவைகளுக்கான அணுகலையும் வழங்குகிறது.

செரி ராயா எம்ஆர்டி நிலையம்

பேருந்து	இயக்குநர்	தொடக்கம்	இலக்கு	பயணவழி	குறிப்புகள்
450 [5]	ரேபிட் கேஎல்	காஜாங் நிறுத்தம்	லெபோ புடு நிறுத்தம்	ரெக்கோ சென்ட்ரல்; காஜாங் நகரம்  KG34  காஜாங் அரங்கம்  KG33  சுங்கை ஜெர்னே  KG31  புக்கிட் டுக்குங் செராஸ்–காஜாங் விரைவுச்சாலை; உலு லங்காட் சாலை  KG28  செரி ராயா எம்ஆர்டி (→) நுழைவாயில் B; பத்து 9 செராஸ் (→) தாமான் சன்தெக்  KG26  தாமான் கோனாட்  KG24  தாமான் மிடா  KG22  AG13  மலூரி நிலையம்	உலு லங்காட் சாலையில் மட்டுமே பேருந்து சேவை
T406 [6]	ரேபிட் கேஎல்	தாமான் கோத்தா செராஸ் 1 (பத்து 10 செராஸ் பேருந்து நிறுத்தம்)	பாங்சுன், உலு லங்காட் / சுங்கை லூய்	பாங்சுன் - சுங்கை லூய் கோத்தா செராஸ் சாலை  KG28  செரி ராயா எம்ஆர்டி (→) நுழைவாயில் C செராஸ்–காஜாங் விரைவுச்சாலை;	பாங்சுன் - சுங்கை லூய் ஆகிய இடங்களுக்கு தனித்தனியாக பேருந்துகள்[7] முதல் பேருந்து: காலை 0530, கடைசி பேருந்து: இரவு 2345[8]

காட்சியகம்

செரி ராயா எம்ஆர்டி நிலையம் (2023)

• 
• 
• 
• 
• 

மேலும் காண்க

• பிரசரானா மலேசியா
• கிள்ளான் பள்ளத்தாக்கின் ஒருங்கிணைந்த போக்குவரத்து அமைப்பு
• கோலாலம்பூர் சாலைகளின் பட்டியல்