படின் மாவட்டம்
From Wikipedia, the free encyclopedia
Remove ads
படின் மாவட்டம் (Badin District), பாக்கித்தான் நாட்டின் தெற்கில் உள்ள சிந்து மாகாணத்தின் 30 மாவட்டங்களில் ஒன்றாகும். சிந்து மாகாணத்தின் தெற்கில் அமைந்த படின் மாவட்டத்தின் நிர்வாகத் தலைமையிடம் படின் நகரம் ஆகும். படின் நகரமானது, மாகாணத் தலைநகரான கராச்சிக்கு தென்கிழக்கே 213 கிலோமீட்டர் தொலைவிலும்; நாட்டின் தலைநகரான இசுலாமாபாத்துக்கு தெற்கே 1,379. கிலோமீட்டர் தொலைவில் அமைந்துள்ளது. இம்மாவட்டம் ஐதராபாத் கோட்டத்தில் உள்ளது.
Remove ads
மாவட்ட எல்லைகள்
படின் மாவட்டத்தின் வடக்கே தண்டோ அல்லாயார் மாவட்டம், வடமேற்கே ஐதராபாத் மாவட்டம், கிழக்கே மிர்பூர் காஸ் மாவட்டம் & தார்பார்க்கர் மாவட்டம், தெற்கே இந்தியாவின் கச்சு மாவட்டம் எல்லைகளாக அமைந்துள்ளது.
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 397,892 குடியிருப்புகள் கொண்ட இம்மாவட்ட மக்கள் தொகை 19,47,081 ஆகும்.[3]. பாலின விகிதம் 100 பெண்களுக்கு 108.42ஆண்கள் வீதம் உள்ளனர்[1][4]. இதன் சராசரி எழுத்தறிவு 36.65% ஆகும். இதன் மக்கள்தொகையில் 10 வயதிற்குட்பட்ட குழந்தைகள் 625,549 (32.16%) ஆக உள்ளனர்.[5]நகர்புறங்களில் 429,849 (22.08%) மக்கள் வாழ்கின்றனர்.[1]
சமயம்
இம்மாவட்டத்தில் இசுலாம் சமயத்தை 74.45% மக்களும், இந்து சமயத்தை 25.11% மக்களும் மற்றும் பிற சமயங்களை 0.44% மக்களும் பின்பற்றுகின்றனர்.
மொழி
இம்மாவட்டத்தில் சிந்தி மொழியை 93.85% மக்களும், பஞ்சாபி மொழியை 2.75% மக்களும், இந்த்கோ மொழியை 1.11% மக்களும் மற்றும் பிற மொழிகளை 2.29% மக்கள் தாய் மொழியில் பேசுகின்றனர்.[6]
Remove ads
மாவட்ட நிர்வாகம்
இம்மாவட்டம் 5 வருவாய் வட்டங்களையும்,[7], 49 ஒன்றியக் குழுக்களையும் கொண்டுள்ளது.
கல்வி
பொருளாதாரம்
இம்மாவட்ட மக்களில் ஏறத்தாழ 78% பேர் கிராமப்புறங்களில் வாழ்கின்றனர். கால்நடை வளர்த்தலே வாழ்வாதாரமாக உள்ளது. சிந்து ஆற்றின் பாசானக் கால்வாய்கள் இம்மாவட்டத்தின் வழியாகச் செல்வதால் கரும்பு, நெல், கோதுமை, சூரியகாந்தி எண்ணெய் வித்துக்கள் மற்றும் தக்காளி அதிகம் பயிரிடப்படுகிறது. இம்மாவட்டத்தில் 6 கரும்பாலைகளும், 30 அரிசி ஆலைகளும் உள்ளது. மேலும் பாகிஸ்தான் உற்பத்தி செய்யப்படும் கச்சா பெட்ரோலிய எண்ணையில் 50% இம்மாவட்டத்தில் உற்பத்தி செய்யப்படுகிறது.[14]
படின் நிலக்கரி வயல்கள்
படின் மாவட்டத்தில் 1,110 சதுர கிலோ மீட்டர் பரப்பளவில் ஏறத்தாழ 1.358 பில்லியன் மெட்ரிக் டன் நிலக்கரி இருப்பு உள்ளது[15].
Remove ads
தொடருந்து
படின் நகர தொடருந்து நிலையத்திலிருந்து கோட்டத் தலைநகரான ஐதராபாத்திற்கு நேரடி தொடருந்து வசதிகள் உள்ளது.[16]
மேற்கோள்கள்
Wikiwand - on
Seamless Wikipedia browsing. On steroids.
Remove ads