லாஸ் ஏஞ்சலஸ் கவுண்டி

லாஸ் ஏஞ்சலஸ் கவுண்டி (Los Angeles County), அமெரிக்க ஐக்கிய நாட்டின் மேற்கில் உள்ள கலிபோர்னியா மாகாணத்தின் தெற்கு கலிபோர்னியாவில் பசிபிக் பெருங்கடலை ஒட்டி அமைந்துள்ளது. இக்கவுண்டியின் தலைமையிடம் லாஸ் ஏஞ்சலஸ் பெருநகரம் ஆகும். இக்கவுண்டி 17 மாவட்டங்களைக் கொண்டது. சூலை 2024 கணக்கெடுப்பின்படி 38,20,914 குடியிருப்புகள் கொண்ட இக்கவுண்டியின் மக்கள் தொகை 97, 57,179 ஆகும். லாஸ் ஏஞ்சலீசில் உள்ள ஹாலிவுட் நிறுவனம் திரைப்படம் தயாரிப்பதில் உலகில் முன்னணி வகிக்கிறது. மேலும் லாஸ் ஏஞ்சலஸ் நகரத்தில் உள்ள டிஸ்னிலாண்ட் மிகச் சிறந்த பொழுது போக்கு அம்சங்கள் கொண்டுள்ளது. கலிபோர்னியா பல்கலைக்கழகம் (லாஸ் ஏஞ்சலஸ்) புகழ்பெற்றது.

லாஸ் ஏஞ்சலஸ் கவுண்டி
கவுண்டி
லாஸ் ஏஞ்சலஸ் நகரம் லாஸ் ஏஞ்சலஸ் நகரத்தின் வெனிஸ் பெவெர்லி மலைகளில் ரோடியோ ஓட்டுதல் ரோடியோ டிரைவ் சாண்ட கட்டாலினா தீவு சாந்தா மொனிக்கா கப்பல்துறை ஆண்டிலோப் சமவெளியில் அலங்காரத் தாவரங்கள் ஹாலிவுட் அறிவிப்பு பலகை
கொடி சின்னம் Logo
அடைபெயர்(கள்): "LA County", "Metro-LA", "Greater LA"
Show லாஸ் ஏஞ்சலஸ் கவுண்டி Show தெற்கு கலிபோர்னியா Show அமெரிக்க ஐக்கிய நாடுகள்
ஆள்கூறுகள்: 34°3′N 118°15′W
நாடு	அமெரிக்க ஐக்கிய நாடுகள்
மாகாணம்	கலிபோர்னியா
பிரதேசம்	தெற்கு கலிபோர்னியா
பெருநகரம்	லாஸ் ஏஞ்சலஸ்
நிறுவிய ஆண்டு	18 பிப்ரவரி 1850[1]
தலைமையிடம்	லாஸ் ஏஞ்சலஸ்
பெரிய நகரம்	லாஸ் ஏஞ்சலஸ்
இணைக்கப்பட்ட ஊர்கள்	88
அரசு
• வகை	லாஸ் ஏஞ்சலஸ் கவுண்டியின் தலைமை நிர்வாக அலுவலர்
• நிர்வாகம்	லாஸ் ஏஞ்சலஸ் கவுண்டி நிர்வாகக் குழு
• தலைவர்	காதரின் பர்ஜர் (குடியரசுக் கட்சி
• தலைமை நிர்வாக அலுவலர்	பெசியா தேவன்போர்ட்
பரப்பளவு
• மொத்தம்	4,751 sq mi (12,310 km2)
• நிலம்	4,058 sq mi (10,510 km2)
• நீர்	693 sq mi (1,790 km2)
உயர் புள்ளி சான் ஆண்டோனியா மலை	10,068 ft (3,069 m)
தாழ் புள்ளி [2]	0 ft (0 m)
மக்கள்தொகை  (1 சூலை 2024)
• மொத்தம்	97,57,179 ▼[3]
• அடர்த்தி	2,430/sq mi (940/km2)
மொத்த உள்நாட்டு உற்பத்தி [4]
• மொத்தம்	$961.908  பில்லியன், (2023)
நேர வலயம்	ஒசநே−8 (பசிபிக் நேர வலயம்)
அஞ்சல் சுட்டு எண்கள்	90xxx–918xx, 92397, 92821, 92823, 93243, 935xx[5]
மாவட்டங்கள்	17 மாவடங்கள் (23, 26, 27, 28, 29, 30, 31, 32, 34, 35, 36, 37, 38, 42, 43, 44 மற்றும் 45வது மாவட்டங்கள்)
இணையதளம்	lacounty.gov

அமைவிடம்

லாஸ் ஏஞ்சலஸ் கவுண்டியின் வடக்கில் கெர்ன் கவுண்டி, கிழக்கில் சான் பெர்னார்டினோ கவுண்டி, தென்கிழக்கில் ஆரஞ்ச் கவுண்டி, தெற்கில் பசிபிக் பெருங்கடல், மேற்கில் வென்சுரா கவுண்டி எல்லைகளாக உள்ளது.

புவியியல்

லாஸ் ஏஞ்சலஸ்

வெஞ்சுரா கவுண்டி

கெர்ன் கவுண்டி

சான் பெர்னார்டினோ கவுண்டி

ஆரஞ்சு கவுண்டி

பசிபிக் பெருங்கடல்

லாஸ் ஏஞ்சலஸ் கவுண்டி மற்றும் அருகமைந்த கவுண்டிகள்

லாஸ் ஏஞ்சலஸ் கவுண்டியின் எல்லைகள்

ஐக்கிய அமெரிக்காவின் கணக்கெடுப்பு பணியகத்தின் கணக்குப்படி, 4,751 சதுர மைல்கள் (12,310 km²) பரப்பளவு கொண்ட லாஸ் ஏஞ்சலஸ் கவுண்டியில் 85% நிலப்பரப்புகளும்; 693 சதுர மைல்கள் (1,790 km²) (15%) நீர் நிலைகள் கொண்டுள்ளது.^[6]லாஸ் ஏஞ்சலஸ் கவுண்டி பசிபிக் பெருங்கடலை ஒட்டி 70 மைல் நீளத்திற்கு எல்லையைக் கொண்டுள்ளது. மேலும் மலைத்தொடர்களும், லாஸ் ஏஞ்சலஸ் ஆறு, சான் கேப்பிரியல் ஆறு, சாண்ட கிளாரா ஆறு மற்றும் காடுகளும், பாலைவனங்களும் கொண்டுள்ளது. இதன் மேற்கில் உள்ள ஆண்டலோப் பள்ளத்தாக்கில் மொகாவி பாலைவனத்தின் நீட்சிகள் காணப்படுகிறது.

தெற்கு கலிபோர்னியாவில் உள்ள இக்கவுண்டியை மேற்கிலிருந்து கிழக்காக சான் கேப்பிரியல் மலைத்தொடர் பிரிக்கிறது. சான் கேப்பிரியல் மலைத்தொடரில் உயர்ந்த கொடுமுடி 10,068 அடிகள் (3,069 m) உயரத்தில் உள்ளது.

பெரும்பாலான மக்கள் லாஸ் ஏஞ்சலஸ் கவுண்டியின் தெற்கிலும், தென்கிழக்கிலும் லாஸ் ஏஞ்சலீஸ் ஆற்றின் வடிநிலத்திலும், சான் பெர்னாண்டோ பள்ளத்தாக்கிலும் மற்றும் சான் கேப்பிரியேல் பள்ளத்தாக்கிலும் அதிகம் வாழ்கின்றனர். மேலும் சாண்ட கிளாரிட்டா பள்ளத்தாக்கு மற்றும் பொமொனா பள்ளத்தாக்கு மற்றும் ஆண்டிலோப் பள்ளத்தாக்கு பகுதிகளில் மக்கள் அதிகம் வாழ்கின்றனர்.

இக்கவுண்டி பசிபிக் பெருங்கடலில் சான் கிளமெண்ட் தீவு மற்றும் சாண்டா கட்டலினியா தீவுகளைக் கொண்டுள்ளது.

கோடைகால ஒலிம்பிக் போட்டிகள்

முதன்மைக் கட்டுரைகள்: 2028 கோடைக்கால ஒலிம்பிக் விளையாட்டுப் போட்டிகள், 1984 கோடைக்கால ஒலிம்பிக் விளையாட்டுப் போட்டிகள், மற்றும் 1932 கோடைக்கால ஒலிம்பிக் விளையாட்டுப் போட்டிகள்

லாஸ் ஏஞ்சலஸ் கவுண்டியில் ஏற்கனவே 1932 மற்றும் 1984 ஆண்டுகளில் ஒலிம்பிக் போட்டிகள் நடைபெற்றது.

தற்போது மூன்றாம் முறையாக லாஸ் ஏஞ்சலஸ் கவுண்டியில் உள்ள பொமோனா நகரத்தின் ஃபேர்பிளக்ஸ் விளையாட்டுத் திடலில் 2028 கோடைக்கால ஒலிம்பிக் விளையாட்டுப் போட்டிகள் நடைபெறுகிறது. 1900ஆம் ஆண்டிற்கு பிறகு 2028 கோடைக்கால ஒலிம்பிக் துடுப்பாட்டப் போட்டிகள் நடைபெறுவது சிறப்பம்சாகும்.

தட்ப வெப்பம்

லாஸ் ஏஞ்சலஸ் கவுண்டியின் வடக்குப் பகுதியில் பாலவனக் காலநிலையும், கவுண்டியில் பிற பகுதிகள் அரை வறண்ட காலநிலையும், மிகுந்த வெப்பநிலையும், நடுநிலக்கடல் சார் வானிலையும் கொண்டுள்ளது. குளிர்காலத்தில் வடக்கு-மத்தியப் பகுதிகளில் உள்ள மலைத்தொடர்களில் பனி மழை பொழிகிறது.^[7]

மக்கள் தொகை பரம்பல்

லாஸ் ஏஞ்சலஸ் கவுண்டியில் இனத் தோற்றம்

2020 கணக்கெடுப்பு

லாஸ் ஏஞ்சலஸ் கவுண்டி – இனக்குழுக்கள் & பழங்குடிகள்

இனக்குழுக்கள் / பழங்குடிகள் (NH = எசுப்பானியர் அல்லாதோர்)	மக்கள் தொகை 1980[8]	மக்கள் தொகை 1990[9]	மக்கள் தொகை 2000[10]	மக்கள் தொகை 2010[11]	மக்கள் தொகை 2020[12]	% 1980	% 1990	% 2000	% 2010	% 2020
எசுப்பானியர் அல்லோதோர் அல்லது வெள்ளை லத்தீன் அமெரிக்கர்கள் மட்டும்	3,953,603	3,618,850	2,959,614	2,728,321	2,563,609	52.87%	40.83%	31.09%	27.79%	25.60%
எசுப்பானியர் அல்லோதோர் அல்லது ஆப்பிரிக்க-அமெரிக்க கருப்பினத்தவர்	926,360	934,776	901,472	815,086	760,689	12.39%	10.55%	9.47%	8.30%	7.60%
பூர்வகுடி மக்கள்	48,120	29,159	25,609	18,886	18,453	0.64%	0.33%	0.27%	0.19%	0.18%
ஆசிய-அமெரிக்கர்கள்	434,850	907,810	1,124,569	1,325,671	1,474,237	5.82%	10.24%	11.81%	13.50%	14.72%
ஹவாய்-பசிபிக் பூர்வகுடிகள்	x [13]	x [14]	23,265	22,464	20,522	x	x	0.24%	0.23%	0.20%
பிற இனத்தவர்கள்	48,467	21,327	19,935	25,367	58,683	0.65%	0.24%	0.21%	0.26%	0.59%
கலப்பின இனத்தவர்கள்	x [15]	x [16]	222,661	194,921	313,053	x	x	2.34%	1.99%	3.13%
எசுப்பானியர் மற்றும் லத்தீன் அமெரிக்கர்கள் (எந்த இனத்தவராக இருந்தாலும்)	2,066,103	3,351,242	4,242,213	4,687,889	4,804,763	27.63%	37.81%	44.56%	47.74%	47.98%
மொத்தம்	7,477,503	8,863,164	9,519,338	9,818,605	10,014,009	100.00%	100.00%	100.00%	100.00%	100.00%