高桥镇（上海市）
From Wikipedia, the free encyclopedia
Remove ads
高桥镇，老底子叫清溪、清浦、清州[1]，勒拉浦东新区个顶顶北面，濒临长江口。伊个南面是高行镇搭高东镇，西面是黄浦江，北面是长江，东面是东海。勒拉高桥港南面、张杨北路西面有充满荷兰风情个高桥新城。
历史
高桥镇个块地么，唐代开始成陆，宋代先后隶属于昆山县临江乡搭仔嘉定县。[1]中心个高桥古镇好追溯到南宋，伊个辰光已经有顺济庵、法昌寺咾啥个建筑。[2][3][4]
明洪武十九年（1386年），明太祖朱元璋来勒个埭造清浦寨，护守长江口。明永乐十年（1412年），高桥海边造土山，建烽堠，永乐帝叫伊“宝山”，亲笔写文章，立勒块碑，是“宝山御碑”。山来勒万历十年（1582年）畀海潮冲垮，个块碑乃朝来勒高桥中学校园里向，是浦东新区文物保护单位。[3][1][5]
明代，乃朝高桥镇北面二里地个地方，清浦镇邪气繁荣。必过明嘉靖三十二年（1553年），倭寇窝勒法昌寺里向为非作歹，加之河浜堵牢，市船弗通，商人商铺就沿咾清浦港向南搬到现在个高桥镇。[3]
清雍正二年（1724年），隶属于宝山县。嘉靖年间，高桥镇从北行头（今北市梢）开始向南造北街，再沿咾高桥界浜（高桥港）造东街和西街，形成丁字形三条长街，是今朝高桥古镇“二港三街”个基本格局。[3]宣统二年（1910年），设高桥乡。民国十七年（1928年），划进上海特别市，是高桥区。[4]民国25年（1936年），高行区与高桥区合并为高桥区。[6]
因为界浜来勒天灯口直通黄浦江，加之上海开埠，高桥乡民集中去上海做工。1932年，上海顶早个海滨天然浴场来勒高桥长江口龙王庙开门迎客，加之市轮渡好直通上海外滩，高桥成为上海近郊个一处旅游胜地。[3]1937年，日本部队攻打上海，龙王庙变成战场，海滨浴场毁脱。[1]抗日战争胜利后，高桥区改称三十一区，后又恢复高桥区旧称。[6]
高桥来勒吴淞口东面，历来是军事要地，1662年太平军进军上海搭仔1949年上海战役里向，高桥侪是战场，乃朝还有碉堡。[3]
解放以后，区划历经改动。1956年2月，撤销高桥区，并入东郊区。1958年9月，凌桥、海滨、高东、高南四乡和高桥镇合并，成立东风公社。同年10月，东郊区撤销，改为隶属浦东县。1959年4月，东风公社改为高桥公社。同年5月，高桥公杜拆成海滨、凌桥、高东、高南四个公社。1960年1月，吴淞区建立，高桥中兴镇划畀吴淞区。[7]同年2月，高桥镇改街道办事处，直属浦东县。11月，上海炼油厂、上海石油采购供应站、上炼新村等地区划畀吴淞区。1961年1月，撤销浦东县，划畀川沙县。同年7月，恢复高桥镇建制，隶属川沙县。1964年5月，吴淞区撤销，中兴镇地区划畀川沙县。1984年3月，政社分设，设立高桥镇、高桥乡、凌桥乡。[4]
浦东开发开放以来，高桥镇不断发展。1992年，划畀浦东新区，成立外高桥保税区。[8]1995年11月，撤销高桥乡建制，建立外高桥镇；撤销凌桥乡建制，建立凌桥镇。[4]1998年9月7号，外高桥镇并入高桥镇[8]。2000年4月，撤销高桥镇与凌桥镇建制，建立新的高桥镇。[4]2005年，高桥老街由上海市政府列为历史风貌保护区。[1]
Remove ads
行政区划
高桥镇下头个村民委员会搭居民委员会有：
上炼新村第一居委会、上炼新村第二居委会、潼港一村居委会、东街居委会、南街居委会、西街居委会、富特三村居委会、富特四村居委会、富特五村居委会、潼港二村居委会、潼港新村第三居委会、金高居委会、凌桥居委会、海高新村居委会、潼港五村居委会、潼港六村居委会、潼港八村居委会、凌桥第二居委会、潼港四村居委会、潼港西八村居委会、陆凌居委会、永久新村居委会、学前街居委会、高桥新城第一居委会、港城新苑居委会、凌桥第三居委会、和祥佳园居委会、南塘村村委会、陆凌村村委会、屯粮巷村村委会、新农村村委会、镇北村村委会、北新村村委会、西新村村委会、新益村村委会、仓房村村委会、三岔港村村委会、龙叶村村委会、凌桥村村委会、顾家圩村村委会、凌桥第四居委会、凌桥第五居委会、凌桥第六居委会、高桥新城第二居委会、浦凌佳苑居委会、高桥新村居委会
境内主要地点
特产
参考资料
Wikiwand - on
Seamless Wikipedia browsing. On steroids.
Remove ads