Алешкавічы 1

Але́шкавічы 1^[2] — вёска ў Камянецкім раёне Берасьцейскай вобласьці, на правым беразе, у самага вытоку ракі Градаўкі, за 1 км на поўнач ад аўтадарогі Слонім — Высокае (Р85), за 15 км на паўднёвы захад ад Камянцу, за 30 км на поўнач ад Берасьця, за 36 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Алешкавічы (неадназначнасьць).

Алешкавічы 1
трансьліт. Alieškavičy 1
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	33 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225068[1]
СААТА:	1240808072
Нумарны знак:	1
Геаграфічныя каардынаты:	52°19′20″ пн. ш. 23°42′14″ у. д.
Алешкавічы 1 на мапе Беларусі ± Алешкавічы 1 Алешкавічы 1

Гісторыя

• сярэдзіна XIX ст.: вёска ў складзе фальварку Алешкавічы, маёнтку Трасьцяніца, уласнасьць памешчыцы Муханавай з Патоцкіх.
• 1833: у вёсцы 36 двароў, 236 рэвіскіх душ.
• 1857: паводле 10-й рэвізіі вёска ў маёнтку Трасьцяніца баронаў Марэнгаймаў, 235 рэвіскіх душ.
• 2-я палова XIX ст.: вёска ў Ратайчыцкай воласьці Берасьцейскага павету Гарадзенскай губэрні Расейскай імпэрыі.
• 1897: паводле перапісу 50 гаспадарак, 355 жыхароў, дзейнічалі школа граматы, кузьня.
• 1905: у вёсцы 365 жыхароў.
• 1921: вёска ў складзе Ратайчыцкай гміны Берасьцейскага павету Палескага ваяводзтва міжваеннай Польшчы.
• 1939: у складзе Берасьцейскай вобласьці БССР.
• 1940: вёска ў Ратайчыцкім сельсавеце Камянецкага раёну Берасьцейскай вобласьці.
• 1956: у калгасе «Радзіма».
• 1960: 192 жыхары.
• 1970: 150 жыхароў.
• 2006: у Відамлянскім сельсавеце.

Насельніцтва

• 2010 год — 33 жыхары
• 2005 год — 54 жыхары, 28 двароў^[3]
• 1999 год — 57 жыхароў

Інфраструктура

У складзе ААТ «Відамлянскае». Дзейнічае крама.