Альгін

Альгі́н (Алгін, Элькін, Аўгін, Яўгін, Вольгін) — мужчынскае імя і вытворнае ад яго прозьвішча. Жаночае імя — Альгіньня.

Heligin
Паходжаньне
Мова(-ы)	германскія
Утворанае ад	Helgi + суфікс з элемэнтам -н- (-n-)
Іншыя формы
Варыянт(ы)	Алгін, Элькін, Аўгін, Яўгін
Зьвязаныя артыкулы
якія пачынаюцца з «Альґін»

Паходжаньне

Асноўны артыкул: Імёны ліцьвінаў

Гэлігін, Алькін, Алькен або Элкін (Heligin, Alkin^[1], Alken^[2], Elkin^[3]) — імя германскага паходжаньня^[4]. Іменная аснова -алг- (-алк-, -гэлк-) (імёны ліцьвінаў Альгерд, Альгімонт; германскія імёны Algardus, Alcmunt) паходзіць ад гоцкага alhs 'бажніца', германскага helig 'сьвяты'^[5]. Апроч таго, адзначалася германскае імя Augino^[6] (Auginus, Augenus^[7]).

У запісах мэтрыкі папскай сэмінарыі ў Браўнсбэргу адзначаецца ў 1584 годзе швэд Olaus Alginus^[8].

Варыянты імя ў гістарычных крыніцах: in Olghenany (24 чэрвеня 1468 году)^[9]; у Бряславли… земли пустовские… а Алгиновщину (26 кастрычніка 1514 году)^[10]; на бояриню господарскую повету Витебъского, невестъку свою, Тишковую Богдановичъ Воишковича Олгинью… тая Ольгинья… тую Ольгинью (5 лютага 1539 году)^[11]; челядь… Дорота, Олгинина дочка (28 ліпеня 1542 году)^[12]; Алкгинишки сеножати (7 верасьня 1552 году)^[13]; шляхтичовъ — панъ Станиславъ Волгиновичъ (1601 год)^[14]; Olginiany (1744 год)^[15].

Носьбіты

Элькіны (Elkin) — літоўскі шляхецкі род^[16].

У 1600 годзе ўпамінаўся маёнтак Яўгіны каля Вялёны^[17].

У акце Вялікага Княства Літоўскага ўпаміналася сяло Аўгінскае (Овкгинское) каля Пінску^[18].

На 1904 год існавала вёска Алгінкі Карабанава Займішча ў Парэцкім павеце Смаленскай губэрні^[19].

У гістарычнай Прусіі існуе вёска Эльгнова, на гістарычнай Віленшчыне — Альгіняны, на гістарычнай Берасьцейшчыне — Пруска Валгінова.