Арабнікі

Ара́бнікі^[3] — вёска ў Пружанскім раёне Берасьцейскай вобласьці. Уваходзіць у склад Пружанскага сельсавету. Знаходзіцца за 2 км на поўнач ад Пружанаў, 14 км ад чыгуначнай станцыі Аранчыцы на лініі Баранавічы — Берасьце. Насельніцтва на 2012 год — 172 жыхары, 91 двор.

Арабнікі
трансьліт. Arabniki
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Пружанскі
Вышыня:	175 м н. у. м.
Насельніцтва
колькасьць:	172 чал. (2012)[1]
колькасьць двароў:	91
Часавы пас:	UTC+3
Тэлефонны код:	+375 1632
Паштовы індэкс:	225134[2]
СААТА:	1256848001
Нумарны знак:	1
Геаграфічныя каардынаты:	52°34′55″ пн. ш. 24°24′42″ у. д.
Арабнікі на мапе Беларусі ± Арабнікі Арабнікі

Этымалёгія назвы

Паводле пружанскай гісторыка і краязнаўцы Веры Церахавай, назва вёскі паходзіць ад слова «араб», бо паселішча было населенае татарамі (арабамі), якія здаўна пражывалі ў Вялікім Княстве Літоўскім^[4].

Мінуўшчына

У 1563 року ў Чахецкім вайтоўстве Дабучынскага двару Кобрынскай эканоміі ВКЛ^[5].

За расейскім часам — вёска ў Дабучынскай воласьці Пружанскага павету Гарадзенскай губэрні^[6]. Паводле перапісу 1897 року 540 жыхароў, 87 двароў, хлебазапасная крама.

За польскім часам — у гміне Дабучын^[7], а з 1926 року — у гміне Пружана Пружанскага павету Палескага ваяводзтва^[8]. У 1921 року — 408 жыхароў, 93 двары.

Зь верасьня 1939 року ў складзе БССР, з 15 студзеня 1940 у Пружанскім раёне Берасьцейскай вобласьці.

Насельніцтва

• XIX стагодзьдзе: 1897 год — 540 жыхароў, 87 двароў
• XX стагодзьдзе: 1921 год — 408 жыхароў, 93 двары; 1970 год — 832 жыхары (перапіс); 1999 год — 240 жыхароў
• XXI стагодзьдзе: 2005 год — 210 жыхароў, 110 двароў^[9]; 2010 год — 184 жыхары; 2012 год — 172 жыхары, 91 двор^[1]

Транспарт

Аўтамабільныя дарогі Н524 Пружаны — Клепачы — Котра і Н559 Арабнікі — Малыя Якавічы^[10].