Араб’і

Араб’і́^[3] — вёска ў Пружанскім раёне Берасьцейскай вобласьці. Уваходзіць у склад Лінаўскага сельсавету. Знаходзіцца за 14 км на поўдзень ад Пружанаў, 8 км ад чыгуначнай станцыі Аранчыцы на лініі Баранавічы — Берасьце. Насельніцтва на 2012 год — 8 жыхароў, 7 двароў.

Араб’і
трансьліт. Arabji
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Лінаўскі
Насельніцтва
колькасьць:	8 чал. (2012)[1]
колькасьць двароў:	7
Часавы пас:	UTC+3
Тэлефонны код:	+375 1632
Паштовы індэкс:	225142[2]
СААТА:	1256835005
Нумарны знак:	1
Геаграфічныя каардынаты:	52°29′28″ пн. ш. 24°35′3″ у. д.
Араб’і на мапе Беларусі ± Араб’і Араб’і

Этымалёгія назвы

Паводле пружанскай гісторыка і краязнаўцы Веры Церахавай, назва вёскі паходзіць ад слова «араб», бо паселішча было населенае татарамі (арабамі), якія здаўна пражывалі ў Вялікім Княстве Літоўскім^[4].

Мінуўшчына

За расейскім часам — вёска ў Байкоўскай воласьці Пружанскага павету Гарадзенскай губэрні^[5]. На пачатку XX стагодзьдзя 115 жыхароў.

За польскім часам — у гміне Байкі^[6], а з 1926 року — у гміне Лінова Пружанскага павету Палескага ваяводзтва^[7]. У 1921 року — 36 жыхароў, 6 двароў.

Зь верасьня 1939 року ў складзе БССР, з 15 студзеня 1940 — у Пружанскім раёне Берасьцейскай вобласьці.

Да 2005 року вёска ўваходзіла ў склад Бакунскага сельсавету. Сельсавет скасаваны 18 лістапада 2005 року рашэньнем Берасьцейскага абласнога савету дэпутатаў №190, яго вёскі ўвайшлі ў склад Лінаўскага сельсавету.

Насельніцтва

• XX стагодзьдзе: пачатак стагодзьдзя — 115 жыхароў; 1921 год — 36 жыхароў, 6 двароў; 1959 год — 115 жыхароў (перапіс); 1970 год — 59 жыхароў; 1999 год — 20 жыхароў
• XXI стагодзьдзе: 2005 год — 12 жыхароў, 9 двароў^[8]; 2010 год — 9 жыхароў; 2012 год — 8 жыхароў, 7 двароў^[1]

Транспарт

Аўтамабільная дарога Н527 Чахец — Кутнявічы^[9].