Асіньнікі (Берасьцейская вобласьць)

Асі́ньнікі^[2] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Асіньнікі.

Асіньнікі
трансьліт. Asińniki
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	15 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225063[1]
СААТА:	1240820096
Нумарны знак:	1
Геаграфічныя каардынаты:	52°31′32″ пн. ш. 23°39′13″ у. д.
Асіньнікі на мапе Беларусі ± Асіньнікі Асіньнікі

Асіньнікі месьцяцца за 22 км на паўночны захад ад Камянцу, за 56 км на поўнач ад Берасьця, за 26 км на паўночны ўсход ад чыгуначнай станцыі Высока-Літоўск на лініі Берасьце — Беласток. Празь вёску праходзіць аўтадарога «Абход тэрыторыі нацыянальнага парку „Белавеская пушча“» (Р98).

Гісторыя

• 1857: паводле 10-й рэвізіі 92 рэвіскія душы, дзяржаўная ўласнасьць.
• 2-я палова XIX ст.: вёска ў Дзьмітравіцкай воласьці Берасьцейскага павету Гарадзенскай губэрні Расейскай імпэрыі.
• 1897: паводле перапісу цэнтар Асіньнікаўскай сельскай грамады, 19 двароў, 122 жыхары.
• 1905: 152 жыхары.
• 1921: у выніку польска-савецкай вайны па Рыскай мірнай дамове ў складзе Польшчы, у Дзьмітравіцкай гміне Берасьцейскага павету Палескага ваяводзтва.
• 1923: 7 двароў, 35 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Дзьмітравіцкім сельсавеце Камянецкага раёну Берасьцейскай вобласьці, у вёсцы 25 двароў, 151 жыхар.
• 1941: 22 двары, 128 жыхароў. У жніўні гэтага году нямецкія захопнікі спалілі вёску.
• 1941—1945: усяго цягам Другой сусьветнай вайны на франтах загінулі і прапалі бязь вестак 8 жыхароў вёскі.
• 1949: арганізаваны калгас імя М. Горкага.
• 1959: паводле перапісу ў вёсцы 115 жыхароў.
• 1970: 99 жыхароў, у саўгасе «Белавескі».

Насельніцтва

• 2010 год — 15 жыхароў
• 2005 год — 22 жыхары, 18 двароў^[3]
• 1999 год — 31 жыхар

Інфраструктура

У складзе СВК «Хадасы».