Багуцічы

Багу́цічы^[1] — вёска ў Беларусі, каля мэліярацыйных каналаў. Уваходзяць у склад Рамязоўскага сельсавету Ельскага раёну Гомельскай вобласьці. Насельніцтва 319 чал. (2004). Знаходзяцца за 8 км на поўдзень ад Ельску, за 186 км ад Гомелю. Чыгуначная станцыя на лініі Каленкавічы — Оўруч. Злучаюцца аўтамабільнай дарогай зь вёскай Вішанькі і далей — зь местам Ельск.

Багуцічы
Краіна:	Беларусь
Вобласьць:	Гомельская
Раён:	Ельскі
Сельсавет:	Рамязоўскі
Насельніцтва:	319 чал. (2004)
Часавы пас:	UTC+3
Тэлефонны код:	+375 2354
Паштовы індэкс:	247836
СААТА:	3214824003
Нумарны знак:	3
Геаграфічныя каардынаты:	51°45′0″ пн. ш. 29°6′0″ у. д.
Багуцічы на мапе Беларусі ± Багуцічы Багуцічы

Гісторыя

Упершыню Багуцічы згадваюцца ў XVI ст. як сяло Мазырскага павету Менскага ваяводзтва. Мясьціна знаходзілася ў дзяржаўным скарбе.

У выніку другога падзелу Рэчы Паспалітай (1793) Багуцічы апынуліся ў складзе Расейскай імпэрыі, у Мазырскім павеце Менскай губэрні. У 1873 за 2 км ад вёскі пачала дзейнічаць чыгуначная станцыя на лініі Жлобін — Каленкавічы — Оўруч. Паводле вынікаў перапісу (1897) у Багуцічах працавалі школа граматы і крама. У 1908 вёска ўваходзіла ў склад Каролінскай воласьці. У 1909 тут адкрылася школа.

Насельніцтва

• XVIII стагодзьдзе: 1795 — 29 двароў
• XIX стагодзьдзе: 1816 — 151 жыхар; 1897 — 69 двароў, 436 жыхароў (паводле перапісу)
• XX стагодзьдзе: 1908 — 86 двароў, 500 жыхароў; 1921 — 180 двароў, 895 жыхароў; 1959 — 880 жыхароў (паводле перапісу)
• XXI стагодзьдзе: 2004 — 165 гаспадарак, 319 жыхароў^[2]