Вішанькі (Гомельская вобласьць)

Ві́шанькі^[1] — вёска ў Беларусі, у складзе Рамязоўскага сельсавету Ельскага раёну Гомельскай вобласьці. Насельніцтва 101 чал. (2004). Знаходзяцца за 9 км на паўднёвы захад ад места і чыгуначнай станцыі Ельск (лінія Каленкавічы — Оўруч), на аўтамабільнай дарозе Ельск — Старое Высокае.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вішанькі.

Вішанькі
Краіна:	Беларусь
Вобласьць:	Гомельская
Раён:	Ельскі
Сельсавет:	Рамязоўскі
Насельніцтва:	101 чал. (2004)
Часавы пас:	UTC+3
Тэлефонны код:	+375 2354
Паштовы індэкс:	247836
СААТА:	3214824004
Нумарны знак:	3
Геаграфічныя каардынаты:	51°46′0″ пн. ш. 29°3′0″ у. д.
Вішанькі на мапе Беларусі ± Вішанькі Вішанькі

Гісторыя

Упершыню Вішанькі згадваюцца ў XVI ст. як сяло Мазырскага павету Менскага ваяводзтва. Паводле Мэтрыкі Вялікага Княства Літоўскага, станам на 1568 тут было 8 службаў.

У выніку другога падзелу Рэчы Паспалітай (1793) Вішанькі апынуліся ў складзе Расейскай імпэрыі, у Мазырскім павеце Менскай губэрні. Паводле вынікаў перапісу (1897) тут працавалі школа граматы, цагельня, вятрак і крама. У 1908 вёска ўваходзіла ў склад Каролінскай воласьці.

Насельніцтва

• XIX стагодзьдзе: 1811 — 24 двары; 1816 — 85 жыхароў; 1897 — 39 двароў, 235 жыхароў (паводле перапісу)
• XX стагодзьдзе: 1908 — 53 двары, 341 жыхар; 1924 — 65 двароў, 228 жыхароў; 1940 — 140 двароў, 450 жыхароў; 1959 — 324 жыхары (паводле перапісу); 1999 — 116 жыхароў
• XXI стагодзьдзе: 2004 — 49 гаспадарак, 101 жыхар^[2]