Больдун

Больдун (Болдун), Болтун (Бальцюн, Балтон), Болдан — мужчынскае імя і вытворнае ад яго прозьвішча.

Baldun
Паходжаньне
Мова(-ы)	германскія
Утворанае ад	Bald + суфікс з элемэнтам -н- (-n-)
Іншыя формы
Варыянт(ы)	Болдун, Болтун, Бальцюн, Балтон, Болдан
Вытворныя формы	Бальцін
Зьвязаныя артыкулы
якія пачынаюцца з «Больдун»

Паходжаньне

Асноўны артыкул: Імёны ліцьвінаў

Бальдун (Baldun) — імя германскага паходжаньня^[1]. Іменная аснова -балд- (-болд-, -болт-) (імёны ліцьвінаў Бірыбольд, Румбольд, Рыбалт; германскія імёны Beribald, Rumbold, Ribald) паходзіць ад гоцкага *balth, стараверхненямецкага bald 'сьмелы, адважны'^[2][3].

Адпаведнасьць імя Балдон германскаму імю Baldun, якое ўпамінаецца яшчэ ў VIII стагодзьдзі, сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[4].

Імя Baldune гістарычна бытавала ў Рызе^[5].

Варыянты імя ў гістарычных крыніцах: зъ села Болдановичъ (1567 год)^[6]; Baltunowna (1729—1776 гады)^[7]; Wieś Bołdyny… Arman Boldun, Jocz Bołdun (1765 год)^[8]; okolica Bołdaniszki (1782—1783 гады)^[9]; Marcin Bałtonowicz, Anna Bałtonowicz (1799 год)^[10].

Носьбіты

Бальцюны (Balciun) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[11].

Болтуны (Bołtun) — прыгонныя зь мястэчка Камаяў, якія ўпамінаюцца ў XIX стагодзьдзі^[12].