Боч

Боч (Буч), Бутш — мужчынскае імя.

Botsch
Паходжаньне
Мова(-ы)	германскія
Утворанае ад	Boto + суфікс з элемэнтам -ш- (-sch-)
Іншыя формы
Варыянт(ы)	Бутш, Буч
Зьвязаныя артыкулы
якія пачынаюцца з «Боч»

Паходжаньне

Асноўны артыкул: Імёны ліцьвінаў

Ботш або Боч (Botsch) — імя германскага паходжаньня^[1]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Botysz^[3].

У Прусіі бытавала прозьвішча Butsch^[4].

Варыянты імя ў гістарычных крыніцах: Botcz Eykythen son czu Medenyken (9 лютага 1419 году)^[5]; Мац Бочевичъ^[6], Янъ Бочевичъ^[7] (1528 году); Янко Бутшевичъ (1566 год)^[8].

Носьбіты

• Боч^[a] — літоўскі баярын зь Меднікаў, які ўпамінаецца ў 1419 годзе
• Мац Бочавіч — тавянскі баярын, які ўпамінаецца ў попісе войска Вялікага Княства Літоўскага 1528 году
• Ян Бочавіч — упіцкі баярын, які ўпамінаецца ў попісе войска ВКЛ 1528 году
• Буч Нарбутавіч — жыхар Жамойцкага староства, які ўпамінаецца ў 1537—1538 гадох^[10]

Заўвагі

1. Паводле публікацыі Кодэксу эпісталярнага Вітаўта, у тым жа дакумэнце Klotcze мае чытацца як польск. Klocz^[9]