Бугень

Бугень (Буген, Букень), Бугін (Букін, Бокін) — мужчынскае імя і вытворнае ад яго прозьвішча.

Bugеn
Паходжаньне
Мова(-ы)	германскія
Утворанае ад	Bugo + суфікс з элемэнтам -н- (-n-)
Іншыя формы
Варыянт(ы)	Буген, Бугін, Букін, Букень, Бокін
Зьвязаныя артыкулы
якія пачынаюцца з «Буґень»

Паходжаньне

Асноўны артыкул: Імёны ліцьвінаў

Бугін, Буген або Букін, пазьней Бокен або Букен (Bugin, Bugen^[a], Bukin^[1], Bocken^[2], Bueken^[2]) — імя германскага паходжаньня^[3]. Іменная аснова -буг- (-бук-) (імёны ліцьвінаў Букель, Бугар; германскія імёны Bukilo, Buger) ёсьць скарочанай формай (гіпакарыстыкам) асновы -бург- (-борг-)^[4].

Адпаведнасьць імя Бугень германскаму імю Buchin (Bugen) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[5].

У Прусіі бытавала імя Буген: Bugenne (1388 год)^[6].

Варыянты імя ў гістарычных крыніцах: село Озаричи… Гапонъ Бокиновичь… Мелешко Букиновичь (1552 год)^[7]; Lawryn a Macziey Bugieniewiczy (1558 год)^[8]; земенинъ господарский земли Жомоитской панъ Крыштофъ Букгеновичъ Лютыкъ (26 чэрвеня 1647 году)^[9]; Piotr Dawidowicz Bugienowicz na miejscu Dawida Bugienowicza… Lutyk Krzysztof Bugienowicz (1667 год)^[10]; Piotr Bugienowicz z Kukiów… Piotr Bugienowicz z Bugiów (1690 год)^[11]; Antoni Bugień, chorąży pow. kow. (21 жніўня 1780 году)^[12]; Szymon Bukień (9 лютага 1785 году)^[13]; Tadeusz Bugień porucznik powiatów Księstwa Żmudzkiego (20 жніўня 1788 году)^[14].

Носьбіты

• Юры Мацкевіч Гайлевіч Бугеновіч — расенскі зямянін, які ўпамінаецца ў 1575 годзе^[15]
• Ян Андрэевіч Бугін — расенскі зямянін, які ўпамінаецца ў 1595 годзе^[16]
• Францішак Буген (Franciszek Bugien) — электар караля польскага і вялікага князя літоўскага Станіслава Ляшчынскага ад Жамойцкага староства^[17]
• Алексі Букініч — уніяцкі сьвятар у Судзілавічах, які ўпамінаецца ў 1776 годзе^[18]

Бугеновічы — літоўскі шляхецкі род, які меў уладаньні на Жамойці.

Багіновічы або Багеновічы (Baginowicz, Bagienowicz) — літоўскі шляхецкі род зь Віленскага павету^[19].

Букінічы (Bukinicz) — літоўскі шляхецкі род з Наваградзкага павету^[20].

Бугіновіч (Buginowicz) — прозьвішча, гістарычна зафіксаванае на тэрыторыі цяперашняй Летувы^[21].

У былым Жамойцкім старостве існуе вёска Бугіны, на гістарычнай Піншчыне — Бакінічы.

Заўвагі

1. Паводле назвы мясцовасьці Bugenesheim