Бука (імя)

Бука, Бук, Буга, Бок — мужчынскае імя і вытворнае ад яго прозьвішча.

Bucco
Паходжаньне
Мова(-ы)	германскія
Іншыя формы
Варыянт(ы)	Бук, Буга, Бок
Зьвязаныя імёны	Букель, Бугень, Бугайла, Бугар
Зьвязаныя артыкулы
якія пачынаюцца з «Бука»

Паходжаньне

Асноўны артыкул: Імёны ліцьвінаў

Бука або Буга, пазьней Бок (Bucco, Bugo, Bock) — імя германскага паходжаньня^[1]. Іменная аснова -буг- (-бук-) паходзіць ад бургундзкага buga 'лук'^[2] або ёсьць скарочанай формай (гіпакарыстыкам) асновы -бург- (-борг-)^[3]. Сярод ліцьвінаў бытавалі імёны Букель, Бугень (Букень), Бугар (Богар). Адзначаліся германскія імёны Bukilo, Bugen (Bukin), Buger (Boger).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Buklo (Bukiel)^[4].

У Прусіі бытавалі імёны: Bugenne^[a] (1388 год)^[6], Bugist^[6], Bukilin / Bukelin^[b] (1398 год)^[7]. У 1598 годзе ў Каралявецкім унівэрсытэце навучаўся Abrahamus Bock, Regiomontanus Borussus, у 1610 годзе — Antonius Bock, Regiomontanus Borussus, у 1623 годзе — Reinholdus Bock, Regiomontanus Borussus… David Bock, Regiomontanus Borussus^[8].

Варыянты імя ў гістарычных крыніцах: две селци у Берестьи… да Ивашково Букгино (1440—1492 гады)^[9]; Миколаи Буковичъ (1528 год)^[10]; Dabko Bukiewicz (27 ліпеня 1553 году)^[11]; Андрей Буковичъ (1563 год)^[12]; Simko Bukowicz (1563 год)^[13]; Sczepan Bukowicz… Mikłasz Bukowicz (2 траўня 1558 году)^[14]; Ярошъ Боговичъ… Василь Боговичъ (1566 год)^[15]; Станиславъ Боковичъ (1567 год)^[16]; wies Powtoswory… Andrej Buk; Jan Buk (30 сьнежня 1598 году)^[17]; Bugiewicz… Bukowicz (1671—1681 гады)^[18]; Dziemid Buka, pryhonnik. Brat Chodor (1722 год)^[19]; Wieś Krakupowo. Roman Buka, Apanas Buka, Tymoch Buka (1765 год)^[20][c].

Носьбіты

• Пётар Бук — жыхар Жамойцкага староства, які ўпамінаецца ў 1538 годзе^[43]
• Мікалай Букавіч — судэраўскі баярын, які ўпамінаецца ў попісе войска Вялікага Княства Літоўскага 1528 году
• Афанас, Філіп і Мікалай Букі — жыхары вёскі Вараксіна (каля Себежу), якія ўпамінаюцца ў 1742 годзе^[44]
• Сямён, Дарафей, Ясь і Якуб Букі — жыхары вёсак Угоды і Ясева (Ашмянскі павет), якія ўпамінаюцца ў 1781 годзе^[45]

Богі (Bog) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[46].

Букі (Buka) — прыгонныя з ваколіцаў Еўя, якія ўпамінаюцца ў XIX стагодзьдзі^[47].

Букі (Buko) — літоўскі шляхецкі род зь Лідзкага павету^[48].

Букевічы (Bukiewicz) — літоўскі шляхецкі род зь Вільні^[49].

Буговічы (Bugowicz) гербу Габданк — літоўскі шляхецкі род^[50].

Бакевіч (Bokiewicz) — прозьвішча, зафіксаванае ў XIX стагодзьдзі ў ваколіцах Сувалкаў^[51].

У актах Вялікага Княства Літоўскага ўпамінаўся маёнтак Букішкі ў Віленскім павеце^[52].

На гістарычнай Браслаўшчыне існуе хутар Букаўшчына, на гістарычнай Віленшчыне — вёска Букішкі.

Заўвагі

1. Адзначалася старажытнае германскае імя Bugin^[5]
2. Адзначалася старажытнае германскае імя Buccillin, Buccellin^[5]
3. Таксама:

   • Букан: Букановічы (Bukonowicz) гербу Радван — літоўскі шляхецкі род, які меў уладаньні на Жамойці^[21];
   • Богут, Богат (адзначалася старажытнае германскае імя Bokat^[22]): Jan Bogut… Stefan Bugieda (1745 год)^[23], Богат (Bogat) — прозьвішча, зафіксаванае ў XIX стагодзьдзі ў ваколіцах Сувалкаў^[24];
   • Богша, Бокша: Лазар Богша — полацкі майстар-ювэлір XII ст.; Andrzey Boksza (4 красавіка 1657 году)^[25], Соф'я, Тэафіл і Станіслаў Бакшэвічы (Bokszewicz) — уладальнікі гаспадарак у Павяжжы каля Куцавічаў на 1933 год^[26];
   • Бугвід: Лавринъ Буквидовичъ бояринъ ковенскій (28 сакавіка 1523 году)^[27], Tadeusz Bugwid… Michał Bogwid (9 лютага 1791 году)^[28];
   • Богвіл, Буговіл: людеи на име Стерковичовъ и земль пустовских у в Оникъштенском повете… Буквилъ Кголмоновичъ (4 красавіка 1525 году)^[29], Богвілы (Bogwił) гербу Бокій — літоўскі шляхецкі род зь Вількамірскага павету^[30], Bugowił (1913 год)^[31];
   • Бокільт (адзначалася старажытнае германскае імя Bochild^[32]): чоловека Бокильта (1417 год паводле выпісу 5 чэрвеня 1641 году)^[33];
   • Буконт, Букунт, Баконт (адзначалася германскае імя Boegunde^[34]): Миколаи Буконтовичъ^[35], Станиславъ Буконтовичъ^[36] (1528 год), Bukunt (1815 год)^[37], Баконты (Баканты) — літоўскі шляхецкі род^[38];
   • Бокард (адзначалася старажытнае германскае імя Buccardus^[39]): Бокарды — літоўскі шляхецкі род^[38];
   • Богнар (адзначалася старажытнае германскае імя Bagnerus^[40], у Чэхіі адзначалася імя Bognar^[41]): Багнаровічы (Bognarowicz) гербу Вянява — літоўскі шляхецкі род^[42]