Бярэзьніца (Берасьцейская вобласьць)

Бярэ́зьніца^[2] — вёска ў Пружанскім раёне Берасьцейскай вобласьці. Уваходзіць у склад Ружанскага сельсавету. Знаходзіцца за 45 км на паўночны ўсход ад Пружанаў, 39 км ад чыгуначнай станцыі Івацэвічы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бярэзьніца.

Бярэзьніца
трансьліт. Biareźnica
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Ружанскі
Вышыня:	173 м н. у. м.
Насельніцтва:	86 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225159[1]
СААТА:	1256755006
Нумарны знак:	1
Геаграфічныя каардынаты:	52°49′42″ пн. ш. 24°54′35″ у. д.
Бярэзьніца на мапе Беларусі ± Бярэзьніца Бярэзьніца
Галерэя здымкаў у Вікісховішчы

Мінуўшчына

Царква ў Бярэзьніце, 1871 год

За расейскім часам — у Ружанскай воласьці Слонімскага павету Гарадзенскай губэрні, 783 дзесяціны^[3]. У 1886 року 402 жыхары, 33 двары, праваслаўная царква, піцейны дом. На пачатку XX стагодзьдзя 727 жыхароў.

За польскім часам — у гміне Ружана Косаўскага павету Палескага ваяводзтва^[4].

Зь верасьня 1939 року ў складзе БССР, з 15 студзеня 1940 у Ружанскім, з 25 сьнежня 1962 у Пружанскім раёнах Берасьцейскай вобласьці (з 8 студзеня да 19 чэрвеня 1954 — Гарадзенскай вобласьці). У 1940—1954 цэнтар сельсавету. 29 траўня 2015 году Ружанскі пасялковы савет, у склад якога ўваходзіла вёска, быў ператвораны ў сельсавет^[5].

Насельніцтва

• XX стагодзьдзе: 1999 год — 163 жыхары
• XXI стагодзьдзе: 2003 год — 142 жыхары, 89 гаспадарак; 2005 год — 121 жыхар, 78 двароў^[6]; 2010 год — 86 жыхароў

Транспарт

Аўтамабільныя дарогі Н533 Ружаны — Варанілавічы — Астравок і Н550 Бярэзьніца — Далкі — Калазубы^[7].

Турыстычная інфармацыя

• Курганны могільнік дрыгавічоў XI—XIII стагодзьдзяў ва ўрочышчы Пель

Асобы

• Мікалай Карполь, савецкі і расейскі валейбольны трэнэр