Бірэйка

Бірэйка (Бірык, Бірка, Пірыка, Пірка), Бэрэйка (Бярэйка, Берыка, Берка) — мужчынскае імя і вытворнае ад яго прозьвішча.

Biriko
Паходжаньне
Мова(-ы)	германскія
Утворанае ад	Biro + суфікс з элемэнтам -к- (-k-)
Іншыя формы
Варыянт(ы)	Бірык, Берыка, Бірка, Бэрэйка, Бярэйка, Берка, Пірыка, Пірка
Вытворныя формы	Барэйка
Зьвязаныя артыкулы
якія пачынаюцца з «Бірэйка»

Паходжаньне

Асноўны артыкул: Імёны ліцьвінаў

Берыка, Бірыка, Пірыка або Пірка, пазьней Бэрэка або Бірка (Berico, Birico, Biriko, Piricho, Pircho, Bereke^[1], Birke) — імя германскага паходжаньня^[2]. Іменная аснова -бер- (-бір-) (імёны ліцьвінаў Бірын, Бірыбольд, Бэрвольд; германскія імёны Birin, Beribald, Berwoldus) паходзіць ад гоцкага baira^[3], германскага bero 'мядзьведзь'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Birke^[5].

Варыянты імя ў гістарычных крыніцах: Niklos Bireiken (1403 год)^[6]; Pirko cliens Gedigolth (21 верасьня 1416 году)^[7]; Яну Биреиковичу 15 копъ (1509 год)^[8]; бояринъ господаръскии, наимя Анъдрушко Бериковичъ (1518—1522 гады)^[9]; Makar s braciam Pirikowiczi (1563 год)^[10]; Wojciech Birko (1621 год)^[11]; Jan Birik na miejscu Piotra Pawłowicza Birika… Augustyn Biryg na miejscu Symona Biryga… Balcer Birikowicz… Marek Birikiewicz (1667 год)^[12]; Byreykowicz (1671—1681 гады)^[13]; Jan Byryk z Rubeżajciów na miejscu P. Piotra Beryka dym^[14], Jan Birikowicz^[15], Marcin Birikowicz^[16] (1690 год); Antoni Berejko (1765 год)^[17]; Barbara Bereykowa de Posvol (1773 год)^[18].

Носьбіты

• Ян Бірэйкавіч — літоўскі баярын, які ўпамінаецца ў 1509 годзе
• Амбражэй Янавіч Бірык — расенскі зямянін, які ўпамінаецца ў 1594—1595 гадох^[19][20]
• Антоні Бярэйка — шляхціч Полацкага ваяводзтва, які ўпамінаецца ў попісе 1765 году
• Кандрат і Карней Беркі — жыхары вёскі Салахвянаў (Полацкае ваяводзтва), якія ўпамінаюцца ў 1779 годзе^[21]
• Павал, Максім і Аляксей Беркі — жыхары вёскі Смаленшчыны (Полацкае ваяводзтва), якія ўпамінаюцца ў 1782 годзе^[22]

Бірыкі (Бірыковічы) — літоўскі шляхецкі род, які меў уладаньні на Жамойці

Берыкевічы гербу Габданк^[23] — літоўскі шляхецкі род^[24][25].

Бэрэйка (Berejko) — прозьвішча, зафіксаванае ў XIX стагодзьдзі ў ваколіцах Сувалкаў^[26].

На гістарычнай Віленшчыне існаваў засьценак Біркі (Birki)^[27].

У былым Жамойцкім старостве існуе вёска Бірыкі, на гістарычнай Полаччыне — Беркавічы, на гістарычнай Віцебшчыне — Беркава.