Валтун

Валтун (Вяльтун), Ва́льдан (Валдан, Вольдан) — мужчынскае імя і вытворнае ад яго прозьвішча.

Waltun
Паходжаньне
Мова(-ы)	германскія
Утворанае ад	Wald + суфікс з элемэнтам -н- (-n-)
Іншыя формы
Варыянт(ы)	Вяльтун, Валдан, Вальдан, Вольдан
Вытворныя формы	Вальдэн
Зьвязаныя артыкулы
якія пачынаюцца з «Валтун»

Паходжаньне

Асноўны артыкул: Імёны ліцьвінаў

Валтун (Waltun) — імя германскага паходжаньня^[1]. Іменная аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) паходзіць ад гоцкага і германскага waldan 'валодаць, гаспадарыць' або wulþus 'слава, мажнасьць'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Woldan^[3].

Варыянты імя ў гістарычных крыніцах: Павел Велтунович (1537 год)^[4]; Волданъ… до Волъдана служебъника нашого (3 лютага 1539 году)^[5]; бывъшы наместник оболецъкии Миколаи Олехъновичъ Волъданъ (4 траўня 1539 году)^[6]; Миколаи Солотатичъ Волъданъ… бояре оболецъкии (12 лютага 1540 году)^[7]; Григорей Волданъ з Ойтенева (1567 год)^[8]; Wołtuny (1744 год)^[9].

Носьбіты

• Рыгор Вальдан (Вольдан) — баярын Менскага павету, які ўпамінаецца ў попісе войска Вялікага Княства Літоўскага 1567 году

У актах Вялікага Княства Літоўскага ўпаміналася сяло Валтуны (Волтуны) у Вількамірскім павеце^[10].