Відзіман

Відзіман (Відман) — мужчынскае імя і вытворнае ад яго прозьвішча.

Widiman
Паходжаньне
Мова(-ы)	германскія
Утворанае ад	Wido + Mann
Іншыя формы
Варыянт(ы)	Відман
Вытворныя формы	Вейдман
Зьвязаныя імёны	Манівід
Зьвязаныя артыкулы
якія пачынаюцца з «Відзіман»

Паходжаньне

Асноўны артыкул: Імёны ліцьвінаў

Відзіман або Відман (Widiman, Vidmannus^[1], Widmann) — імя германскага паходжаньня^[2]. Іменная аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[3], а аснова -ман- (імёны ліцьвінаў Мангерд, Дзерман, Есьман; германскія імёны Mangerðr, Derman, Esmann) — ад гоцкага manna^[4], германскага man 'чалавек'^[5].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Widman^[6].

У Прусіі адзначалася імя Wydeman^[7]. У 1605 годзе ў Каралявецкім унівэрсытэце навучаўся Jacobus Widmansdorff, nobilis Borussus, у 1630 годзе — Johannes Martinus Widemanus, Welaviensis Borussus^[8]. Апроч таго, у Прусіі бытавала прозьвішча Wiedemann^[9].

Варыянты імя ў гістарычных крыніцах: осмъ чоловеков… а Онъдрука Видимоновича (31 траўня 1503 году)^[10]; бояринъ господарьский Михайло Видимоновичь (11 красавіка 1516 году)^[11]; Видманъ (1867 год)^[12].

Носьбіты

У гістарычных пісьмовых крыніцах беларускага арэалу адзначалася імя Відман (Видманъ)^[13].

Відманы (Widmann) — шляхецкі род Рэчы Паспалітай зь Львова^[14].

Відмановіч (Widmanowicz) і Выдмановіч (Wydmanowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[15].

Глядзіце таксама

• Від
• Ман