Відын (імя)

Відын, Відзін, Відзень — мужчынскае імя.

Widin
Паходжаньне
Мова(-ы)	германскія
Утворанае ад	Wido + суфікс з элемэнтам -н- (-n-)
Іншыя формы
Варыянт(ы)	Відзін, Відзень
Вытворныя формы	Віцень, Вайдзень
Зьвязаныя артыкулы
якія пачынаюцца з «Відын»

Паходжаньне

Асноўны артыкул: Імёны ліцьвінаў

Відзін (Widin) — імя германскага паходжаньня^[1]. Іменная аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[2].

У Прусіі бытавала імя Відзен: Wydenne (1398, 1410 і 1411 гады)^[3].

Варыянты імя ў гістарычных крыніцах: item qatuor homines per nos ipsi io et prefato rectori eiusdem donatos, videlicet… Wydenys (23 красавіка 1449 году)^[4]; на бояриную полоцкую… двор собе наредил на имя Видиничи (9 красавіка 1497 году)^[5]; люди его Виденевичи (16 сакавіка 1522 году)^[6]; Widzienicze… Widzinicze (1744 год)^[7]; Widzin (1775 год)^[8]; Stefan, s. Krzysztofa, Widziniewicz (1909 год)^[9].

Носьбіты

• Відын († па 562) — апошні гістарычна засьведчаны остгоцкі нобіль у Італіі
• Відзень — адзін з даньнікаў, нададзеных у 1449 годзе вялікім князем літоўскім Казімерам касьцёлу ў Дубінках
• Сымон Відзініч — шляхціч Наваградзкага ваяводзтва, які ўпамінаецца ў 1765 годзе^[10]

Ведзені (Wiedzień) — прыгонныя зь вёсак Раслы і Паніжанаў (каля Жодзішкаў), якія ўпамінаюцца ў XIX стагодзьдзі^[11].

У актах Вялікага Княства Літоўскага ўпаміналіся маёнткі Відзенішкі (таксама Відзінішкі) або Белы Мураваны Двор у Віленскім ваяводзтве і Відзіны ў Браслаўскім павеце^[12].

У 1905 годзе існаваў засьценак Відзенішкі ў Кемеліскай воласьці^[13].

На гістарычнай Аршаншчыне існуе вёска Відзінічы, на гістарычнай Віленшчыне — Відзенішкі.