Гаруцішкі

Гару́цішкі^[1] — вёска ў Беларусі, на рацэ Гаруцішцы. Уваходзяць у склад Путчынскага сельсавету Койданаўскага раёну Менскай вобласьці. Знаходзяцца за 10 км ад Койданава, за 52 км ад Менску, за 12 км ад чыгуначнай станцыі Койданава.

Гаруцішкі лац. Haruciški
Краіна:	Беларусь
Вобласьць:	Менская
Раён:	Койданаўскі
Сельсавет:	Путчынскі
Насельніцтва:	75 чал. (2010)
Часавы пас:	UTC+3
Тэлефонны код:	+375 1716
Нумарны знак:	5
Геаграфічныя каардынаты:	53°45′50.8″ пн. ш. 27°5′14.0″ у. д.
Гаруцішкі на мапе Беларусі ± Гаруцішкі Гаруцішкі
Галерэя здымкаў у Вікісховішчы

Назва

Асноўны артыкул: Герута (імя)

Герута^[2] (Gerutha) — імя германскага паходжаньня^[3], якое зьвязваюць зь імём Гера^[4].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[5], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[6]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная «лінія Сафарэвіча» (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[7].

Гісторыя

Упершыню ўпамінаюцца ў XVIII стагодзьдзі. У 1884 годзе адкрыта царкоўна-прыходзкая школа (12 вучняў — 11 хлопчыкаў, 1 дзяўчынка). У 1886 годзе ў Койданаўскай воласьці Менскага павету. Дзейнічала праваслаўная царква. У пачатку XX ст. 30 двароў, 167 жыхароў. У 1915 годзе Дэпартамэнт земляробства зрабіў спробу арганізаваць гадавальнік лекавых расьлін у маёнтку Гаруцішкі, але вайна парушыла пляны.

Насельніцтва

• 1909 год — 50 чалавек у сяле Гаруцішках і 42 чалавекі ў фальварку Гаруцішках^[8]
• 1999 год — 104 чалавекі
• 1 студзеня 2004 году — 42 двары, 83 чалавекі
• 2010 год — 75 чалавек

Турыстычная інфармацыя

Помнік на брацкай магіле 12 савецкіх воінаў і партызан, якія загінулі ў Другую ўсясьветную вайну.