Гердзіла

Гердзіла (Гірдыла, Гердзяла, Гердзель, Гердуль, Гірдзель), Гардзела (Гардзель) — мужчынскае імя і вытворнае ад яго прозьвішча.

Gardila
Паходжаньне
Мова(-ы)	германскія
Утворанае ад	Gerd + суфікс з элемэнтам -л- (-l-)
Іншыя формы
Варыянт(ы)	Гардзела, Гардзель, Гірдыла, Гердзяла, Гердзель, Гердуль, Гірдзель
Зьвязаныя артыкулы
якія пачынаюцца з «Ґердзіла»

Паходжаньне

Асноўны артыкул: Імёны ліцьвінаў

Гардзіла, пазьней Гердэле або Гертыль (Gardila, Gerdele^[1], Gertil^[2]) — імя германскага пахожаньня^[3]. Іменная аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) паходзіць ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека')^[4].

У Польшчы ў XVI—XVIII стагодзьдзях адзначаліся прозьвішчы Gardyła, Gardela, Gardziel, Gardel^[5].

У Прусіі адзначаліся прозьвішчы Gardell^[6] і Gerdell^[7].

У Польшчы адзначаецца прозьвішча Кердэлевіч (Kierdelewicz)^[8].

Варыянты імя ў гістарычных крыніцах: Girdilo (Хроніка Прускай зямлі)^[9]; Ян Кгирдилович (1538 год)^[10]; Girdylo Litwin (Хроніка польская, літоўская, жамойцкая і ўсёй Русі); Gerdilo (1592 год)^[11]; Stanislaus Gierdul (XVII ст.)^[12]; po zdrajcy ur. Piętrze Girdziele (18 сакавіка 1658 году)^[13]; Kerdel (10 кастрычніка 1683 году)^[14]; dwór Gierdzieliszki (1782—1783 гады)^[15]; Karol Wilhelm Gerdel (1804 год)^[16]; Stefan Gierdziało (1836 год)^[17]; Katarzyna Gardziel (1840 год)^[18].

Носьбіты

• Гердзіла (Гірдзіла) — баярын з прынёманскай Скаловіі (азначаны Мацеем Стрыйкоўскім як ліцьвін), які ўпамінаецца ў Хроніцы Прускай зямлі пад 1285 годам
• Іван Кірдзель — жыхар мястэчка Капцэвічаў (Полацкае ваяводзтва), які ўпамінаецца ў 1691 годзе^[19]
• Міхаіл, Астап і Ян Гардзелі — жыхары вёскі Куксаў (Полацкае ваяводзтва), якія ўпамінаюцца ў 1756 годзе^[20]
• Мацей Гардзулевіч — селянін-удзельнік нацыянальна-вызвольнага паўстаньня, забіты ў 1864 годзе расейскімі карнікамі^[21]

Гардзелі — парафіяне касьцёла ў Забелі (Полацкі дэканат) на 1798 год^[22].

Гертэлі (Gertel) гербу Газдава — літоўскі шляхецкі род^[23].

Гірдылы (Girdyłło) — літоўскі шляхецкі род^[24].

Гардзела або Гардзеля (Gardziela) і Гардзюлевіч (Gardziulewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[25].

У Сьвянцянскай парафіі існаваў фальварак Гердзілішкі (Gierdziliszki)^[26].