Гірдзівід

Гірдзіві́д (Гірдві́д, Кірдві́д) — мужчынскае імя.

Gyrdvid
Паходжаньне
Мова(-ы)	германскія
Утворанае ад	Gerd + Wid
Іншыя формы
Варыянт(ы)	Гірдвід, Кірдвід
Зьвязаныя імёны	Відзегірд
Зьвязаныя артыкулы
якія пачынаюцца з «Ґірдзівід»

Паходжаньне

Асноўны артыкул: Імёны ліцьвінаў

Гірдвід або Гертвід (Gyrdvid^[1], Gertwidus^[2]) і Відгерд (Widgerd) — імёны германскага паходжаньня^[3]. Іменная аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) паходзіць ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека'), а аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) — ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[4]. Такім парадкам, імя Гірдвід (Гердывід) азначае «моцнасьць аховы»^[5] (тое ж, што і Відзегірд).

Варыянты імя ў гістарычных крыніцах: Кгирдивид^[6] (26 красавіка 1388 году)^[7][8]; Pacz Gyrdywidowicz (15 траўня 1432 году)^[9]; Витовъту Кирдвидовичу три чоловеки (9 лістапада 1449 году)^[10]; Олехну Кирдвидовичу шесть чоловека Бикуны (1440—1492 гады)^[11].

Носьбіты

• Гірдзівід — літоўскі баярын, які разам з сынам Сямёнам упамінаецца 26 красавіка 1388 году сярод князёў і баяраў князя ноўгарад-северскага Карыбута Альгердавіча
• Пач Гірдзівідавіч — літоўскі баярын, які засьведчыў Хрыстмэмэльскую ўмову (1432 год)
• Вітаўт Кірдвідавіч — літоўскі баярын, які ўпамінаецца ў 1449 годзе
• Алехна Кірдвідавіч — літоўскі баярын, які атрымаў ад вялікага князя Казімера шэсьць чалавек

Глядзіце таксама

• Герд
• Від