Дварэц (Камянецкі раён)

Дварэ́ц^[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дварэц (неадназначнасьць).

Дварэц
трансьліт. Dvarec
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	47 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225074[1]
СААТА:	1240804021
Нумарны знак:	1
Геаграфічныя каардынаты:	52°30′5″ пн. ш. 23°30′38″ у. д.
Дварэц на мапе Беларусі ± Дварэц Дварэц

Месьціцца за 33 км на паўночны захад ад Камянцу, за 61 км на поўнач ад Берасьця, за 16 км на паўночны ўсход ад чыгуначнай станцыі Высока-Літоўск (лінія Берасьце — Беласток). Мясцовай аўтадарогай Н-364 злучаецца з цэнтрам сельсавету — вёскай Вярховічы.

Гісторыя

• сярэдзіна XIX ст.: фальварак у складзе маёнтку Капылы Берасьцейскага павету Гарадзенскай губэрні Расейскай імпэрыі.
• 1845: паводле інвэнтару уласнасьць абшарніцы Караліны Пуслоўскай. У фальварку мелася 763 дзесяцінаў зямлі, да яго адносіліся вёскі Каленкавічы і Падбур’е.
• 1897: паводле перапісу маёнтак ў Вярховіцкай воласьці, 22 двары, 212 жыхароў, дзейнічала кузьня.
• 1905: у маёнтку 130 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: 16 двароў, 107 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Бушміцкім сельсавеце Кляшчэльскага раёну Берасьцейскай вобласьці, 250 жыхароў.
• 1941—1945: цягам Другой сусьветнай вайны на франтах загінулі і зьніклі бязь вестак 14 жыхароў вёскі. Вызвалена ад нямецкіх акупантаў 27 ліпеня 1944 году воінамі 152-га гвардзейскага палка 50-й гвардзейскай стралковай дывізіі.
• 1945: у Высокаўскім раёне.
• 1948: у пачатковай школе 27 вучняў.
• 1960: 208 жыхароў.
• 1962: у Камянецкім раёне.
• 1968: у Вярховіцкім сельсавеце.
• 1970: уваходзіла ў калгас імя Дзяржынскага.

Насельніцтва

• XX стагодзьдзе: 1970 год — 156 жыхароў; 1999 год — 58 жыхароў
• XXI стагодзьдзе: 2005 год — 31 двор, 47 жыхароў; 2010 год — 47 жыхароў

Інфраструктура

У складзе СВК «Агра-Ніва».