Зацітава Слабада

Заці́тава Слабада́^[1] — вёска ў Пухавіцкім раёне Менскай вобласьці Беларусі. Уваходзіць у склад Пухавіцкага сельсавету.

Зацітава Слабада
трансьліт. Zacitava Slabada
Краіна:	Беларусь
Вобласьць:	Менская
Раён:	Пухавіцкі
Сельсавет:	Пухавіцкі
Насельніцтва:	414 чал. (2009)
Часавы пас:	UTC+3
Тэлефонны код:	+375 1713
Паштовы індэкс:	222832
Нумарны знак:	5
Геаграфічныя каардынаты:	53°30′57″ пн. ш. 28°15′59″ у. д.
Зацітава Слабада на мапе Беларусі ± Зацітава Слабада Зацітава Слабада

Размешчана пры ўпадзенні ракі Цітаўка ў Свіслач за 11 кілямэтраў Мар’інай Горкі, 74 км ад Менску, 11 км ад чыгуначнай станцыі Пухавічы, каля шашы Менск — Бабруйск^[2].

Гісторыя

Першыя згадкі ў 1623 годзе. У 1779 годзе ў вёсцы было 28 двароў^[3].

У пачатку ХХ ст. вёска ў Пухавіцкай воласьці Ігуменскага павету Менскай губэрні. Паводле перапісу 1897 г. дзейнічала прыпісная царква, хлебазапасны магазын.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

З 31 ліпеня 1920 году ў БССР. У 1924—1925 гадах цэнтар Слабадзкога сельсавету. На 1933 г. былі калгасы «Пуцілавец» і «Кастрычнік», працавалі 2 кузьні, воўначёска.

З чэрвеня 1941 году да 4 ліпеня 1944 году вёска была пад нямецкай акупацыяй.

Напрыканцы 1950-х у вёсцы здымалі мастацкі фільм «Строгая жанчына».

Насельніцтва

• 1897 год — 70 двароў, 369 жыхароў
• пачатак XX ст. — 87 двароў, 528 жыхароў
• 1917 год — 104 двары, 531 жыхар
• 1971 год — 170 двароў, 511 жыхароў
• 1997 год — 183 двары, 519 жыхароў
• 2002 год — 179 двароў, 517 жыхароў
• 2009 год — 414 чалавекі^[4]

Асобы

• Алесь Карлюкевіч — беларускі краязнавец, літаратуразнавец, журналіст, дзяржаўны дзяяч, міністар інфармацыі Беларусі (з 2017). Старшыня Саюзу пісьменьнікаў Беларусі (з 2022).
• Мікалай Сьвірыдаў — кандыдат сельскагаспадарчых навук (1985).