Карабаны (Менская вобласьць)

Караба́ны^[1] — вёска ў Мядзельскім раёне Менскай вобласьці. Уваходзіць у склад Занарацкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Карабаны.

Карабаны
трансьліт. Karabany
Краіна:	Беларусь
Вобласьць:	Менская
Раён:	Мядзельскі
Сельсавет:	Занарацкі
Насельніцтва:	8 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222382
СААТА:	6240814041
Нумарны знак:	5
Геаграфічныя каардынаты:	54°47′52.01″ пн. ш. 26°38′34.01″ у. д.
Карабаны на мапе Беларусі ± Карабаны Карабаны

Гісторыя

• 1868 год — зьяўлялася вёскай Сьвянцянскага павету Віленскай губэрні, налічвала 15 двароў і 129 жыхароў.
• З 1901 году ў вёсцы працавала школа граматы.
• 1904 год — вёска знаходзілася ў Занарачанскай воласьці Сьвянцянскага павету, налічвала 155 жыхароў.
• 1907 год — вёска налічвае 32 двары, насельніцтва складае 231 жыхара.
• З 18 па 23 сакавіка 1916 году падчас Першай сусьветнай вайны ў раёне вёскі праходзілі баі Нарачанскай апэрацыі войскаў расейскіх армій Паўночнага і Захродняга франтоў.
• 12 кастрычніка 1940 году вёска ўвайшла ў склад Занарацкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). У 1940 годзе вёска налічвала 30 двароў і 125 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі цалкам спалілі вёску (30 двароў) і забілі 3 жыхароў. Пасьля вайны вёска была адноўленая.
• 1949 год — створаны калгас імя Варашылава.
• 20 студзеня 1960 году вёска ўвайшла ў склад Менскай вобласьці.
• У 1960 годзе насельніцтва вёскі складала 117 жыхароў.
• З 1973 году вёска знаходзіцца ў складзе калгасу «Шлях да камунізму» з цэнтрам у вёсцы Занарач.

Насельніцтва

• 2010 год — 8 жыхароў
• 30 лістапада 2007 году — 18 жыхароў^[2].
• 1999 год — 29 жыхароў
• 1 студзеня 1997 году — 18 двароў і 30 жыхароў

Выхадцы

• Зянон Ломаць, беларускі дзяржаўны дзяяч