Кацёлкі

Кацёлкі^[2] — вёска ў Пружанскім раёне Берасьцейскай вобласьці. Кацёлкі ўваходзяць у склад Шаняўскога сельсавету. Знаходзяцца за 7 км на паўднёвы захад ад Пружанаў, 19 км ад чыгуначнай станцыі Аранчыцы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кацёлкі (неадназначнасьць).

Кацёлкі
трансьліт. Kaciolki
Курганны могільнік ля вёскі
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шаняўскі
Вышыня:	170 м н. у. м.
Насельніцтва:	172 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225170[1]
СААТА:	1256880061
Нумарны знак:	1
Геаграфічныя каардынаты:	52°31′20″ пн. ш. 24°20′29″ у. д.
Кацёлкі на мапе Беларусі ± Кацёлкі Кацёлкі
Галерэя здымкаў у Вікісховішчы

Мінуўшчына

За расейскім часам — вёска ў Міхайлаўскай воласьці Пружанскага павету Гарадзенскай губэрні. У 1886 року 504 жыхары, 45 двароў, піцейны дом.

За польскім часам — у гміне Шані^[3], а з 1926 року — у гміне Шарашоў Пружанскага павету Палескага ваяводзтва^[4]. У 1921 року 419 жыхароў, 168 двароў.

Зь верасьня 1939 року ў складзе БССР, з 15 студзеня 1940 — у Пружанскім раёне Берасьцейскай вобласьці.

Насельніцтва

• XX стагодзьдзе: 1959 год — 610 жыхароў (перапіс); 1970 год — 502 жыхары; 1999 год — 244 жыхары
• XXI стагодзьдзе: 2003 год — 257 жыхароў, 110 двароў; 2005 год — 249 жыхароў, 103 двары^[5]; 2010 год — 172 жыхары

Транспарт

Аўтамабільная дарога Н539 Шані — Кацёлкі — Шакуны^[6].

Турыстычная інфармацыя

• Курганны могільнік-1 (XI—XIII стагодзьдзі). За 1 км на паўночны ўсход ад вёскі. Належаў дрыгавічам^[7].
• Курганны могільнік-2 (XVII—XVIII стагодзьдзі). Пахаваньні загіблых у адной з войнаў таго пэрыяду^[7].

Асобы

• Янка Хвораст (1902—1983) — беларускі танцоўшчык, балетмайстар, зьбіральнік беларускага харэаграфічнага фальклёру