Конрад Войдатавіч

Конрад Войдатавіч (1360-я — верасень 1390) — літоўскі князь.

Конрад Войдатавіч
лац. Konrad Vojdatavič

Асабістыя зьвесткі
Нарадзіўся	1360-я
Памёр	верасень 1390
Род	Гедымінавічы
Бацькі	Войдат

Імя

Асноўны артыкул: Конрад

Конрад або Кунрад (Konrad, Cunrad^[1]) — імя германскага паходжаньня^[2]. Іменная аснова -кон- (-кун-) (імёны ліцьвінаў Кондрут, Кунат, Якун; германскія імёны Cundrud, Kunat, Acun) паходзіць ад гоцкага koni- 'адважны'^[3] або германскага kunja, kuni '(хтосьці) з годнага, шляхецкага роду'^[4], а аснова -рад- (-рат-) (імёны ліцьвінаў Радзівіл, Раталт, Радавін; германскія імёны Ratwilius, Ratolt, Radowin) — ад гоцкага *rêþs^[5], германскага rad- 'рада'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Konrad, Konrat, Kunrod, Kunrot^[7].

Біяграфія

Зь літоўскага княскага роду, сын Войдата.

У 1390 годзе браў удзел у супольнай аблозе крыжакамі і Вітаўтам Вільні, у час якой яго параніла стрэлам з бамбарды. Празь некалькі тыдняў памёр ад гэтай раны ў Прусіі.

Меў жонку, але яе імя невядомае, як і тое, ці меў дзяцей.

Польскі гісторык XV ст. Ян Длугаш атаясамліваў Конрада з сынам Кейстута Таўцівілам (які меў каталіцкае імя Конрад), што ўсталявалася ў гістарыяграфіі^[8].