Лодзейка

Лодзейка (Лодзік, Ладыка), Лоцейка (Лоцік) — мужчынскае імя і вытворнае ад яго прозьвішча.

Hlodico
Паходжаньне
Мова(-ы)	германскія
Утворанае ад	Chlodio + суфікс з элемэнтам -к- (-k-)
Іншыя формы
Варыянт(ы)	Лодзік, Ладыка, Лоцік, Лоцейка
Зьвязаныя артыкулы
якія пачынаюцца з «Лодзейка»

Паходжаньне

Асноўны артыкул: Імёны ліцьвінаў

Лодыка, Лутыка, Лотыка або Хлодык (Hlodico^[1], Luttiko, Lotichius^[2], Claodicus) — імя германскага паходжаньня^[3]. Іменная аснова хлод- (лод-, лот-) (імёны ліцьвінаў Лодальд, Лодвік, Лодар; германскія імёны Lodoald, Lodwich, Loder) паходзіць ад германскага hluþa, hluda 'слаўны'^[4].

У 1598 годзе ў Каралявецкім унівэрсытэце навучаўся Dauid Lotke, Regiomontanus Borussus, у 1604 годз — Jacobus Lotke, Regiomontanus Borussus^[5].

Варыянты імя ў гістарычных крыніцах: Адамъ Лукашевичъ Ладыка (1567 год)^[6]; kamienica Xiędza Ładzika… dom Stanisława Locikiewicza (1688 год)^[7]; folwark i wioska Łodzikowsczyzna (1784 год)^[8].

Носьбіты

• Мацьвей Лодзейка — жыхар воласьці Беразьвечча (Полацкае ваяводзтва), які ўпамінаецца ў 1597 годзе^[9]
• Іван, Андрэй, Цімох, Лявон, Дьмітры, Раман, Марк, Фёдар, Кузьма, Арцём, Астап, Сямён, Міхаіл, Антон, Грышка, Юрка, Якуб, Пракоп, Даніэль і Васіль Лодзейкі — жыхары сяла Абрубу (Браслаўскі павет), якія ўпамінаюцца ў 1652 годзе^[10]
• Ян Лоцейка (Лацейка) — шляхціч Менскага ваяводзтва, які ўпамінаецца ў 1765 годзе^[11]
• Мікалай Лоцейка (Лацейка) — шляхціч Менскага ваяводзтва, які ўпамінаецца ў 1787 годзе^[12]

Лоцікі — парафіяне касьцёла ў Росіцы на 1861 год^[13].

Ладыкі (Ładyka) — прыгонныя зь вёскі Пазьдзянятаў (Ашмянскі павет), якія ўпамінаюцца ў XIX стагодзьдзі^[14].

Лодыкі (Łodyka) — прыгонныя зь вёскі Драбышоў, Галімшчыны і Вігушкаў (Ашмянскі павет), якія ўпамінаюцца ў XIX стагодзьдзі^[15].

На 1906 год існавала вёска Ладзейкава ў Себескім павеце Віцебскай губэрні^[16].