Людзень

Людзень (Людзен), Людын, Лютын — мужчынскае імя і вытворнае ад яго прозьвішча.

Luden
Паходжаньне
Мова(-ы)	германскія
Утворанае ад	Liudo + суфікс з элемэнтам -н- (-n-)
Іншыя формы
Варыянт(ы)	Людзен, Людзін, Лютын
Вытворныя формы	Людан
Зьвязаныя артыкулы
якія пачынаюцца з «Людзень»

Паходжаньне

Асноўны артыкул: Імёны ліцьвінаў

Людзін, Людзен, Люцін або Люцен, пазьней Людэн (Liudin, Liudenus^[1], Leudin, Liutin, Liutenus^[2], Luden^[3][4]) — імя германскага паходжаньня^[5]. Іменная аснова -люд- (-лют-) (імёны ліцьвінаў Людвін, Лютар, Людамонт; германскія імёны Liudwin, Liutar, Ludimunt) паходзіць ад гоцкага і бургундзкага liuþs, leuda 'люд, людзі'^[6].

У Прусіі бытавала імя Лютын: Lutyne (1343 год)^[7], Steffan Lutyn (1448 год)^[7].

Варыянты імя ў гістарычных крыніцах: служеб людеи у Бряславъскомъ повете у Друискои волости… а Паца Люденевича (15 ліпеня 1524 году)^[8]; Ясюту Люденя (11 лютага 1539 году)^[9]; Adam Luten s pliacu Hanusowego (20 лістапада 1604 году)^[10]; Ludziny (1744 год)^[11]; Parafia łuczajska… Ludzienicze wieś (1784 год)^[12].

Носьбіты

• Людын Бода (каля 610 — каля 673) — біскуп Тулю, Сьвяты
• Адам Лютэнь — кейданскі мешчанін, які ўпамінаецца ў 1604 годзе
• Крыштоф, Юры, Каця і Марыя Людзены — жыхары вёскі Сабалішкаў (Браслаўскі павет), якія ўпамінаюцца ў 1759 годзе^[13]

Лютыны гербу Гіпацэнтаўр^[14] — літоўскі шляхецкі род^[15] з Ковенскага павету^[16].

На 1910 год існавала вёска Людзінічы ў Горацкім павеце Магілёўскай губэрні^[17].

На гістарычнай Мазыршчыне існуе вёска Людзяневічы, на гістарычнай Піншчыне — Людзінавічы, на гістарычнай Троччыне — Люценішкі.