Мадзейка

Мадзейка (Мадзека), Мядзейка (Медзіка, Мэдыка), Мацейка — мужчынскае імя і вытворнае ад яго прозьвішча.

Mädecke
Паходжаньне
Мова(-ы)	германскія
Утворанае ад	Mado + суфікс з элемэнтам -к- (-k-)
Іншыя формы
Варыянт(ы)	Мадзека, Мядзейка, Медзіка, Мэдыка, Мацейка
Зьвязаныя артыкулы
якія пачынаюцца з «Мадзейка»

Паходжаньне

Асноўны артыкул: Імёны ліцьвінаў

Мадака або Меціка, пазьней Мэдэка, Матыка або Матэк (Madacho, Methiko^[1], Mädecke^[2], Maticke, Matteck) — імя германскага паходжаньня^[3]. Іменная аснова мад- (мед-, мат-) (імёны ліцьвінаў Матывік, Медвін, Матар; германскія імёны Mathwig, Medwinus, Matter) паходзіць ад гоцкага maþa 'добры, пачэсны'^[4].

У Прусіі бытавала імя Медэка (Медыка, Матэйка): Medeke (1335 год)^[5], Medike (1409 год)^[6], Matteyke (1412 год)^[6]. У 1627 годзе ў Каралявецкім унівэрсытэце навучаўся Christophorus Madeika, Olecensis Borussus, у 1639 годзе — Martinus Madeyka, Liccensis Borussus, у 1642 годзе — Casparus Madeika, Newhofio Prussus^[7]. Апроч таго, у Прусіі адзначалася прозьвішча Madicke^[8].

Варыянты імя ў гістарычных крыніцах: Mateyco (Хроніка Віганда)^[9]; осмъ чоловековъ въ Ошменскои волости… Мядеико (7 лістапада 1442 году)^[10]; пустовщын в Троцком повете у Высокодворскои волости на имя Медиковщины (31 сьнежня 1514 году)^[11]; люди, пять служобъ, седять на земли Кгиръминовъскои у Якгилишъках на имя Яцъка а Бертоша Матеиковичов (1532 год)^[12]; село Мадейковичи (1554 год)^[13]; Бенъко а Станъ Медиковичы (22 красавіка 1564 году)^[14]; Вонецъ Медейковичъ (10 лютага 1565 году)^[15]; Родъ Медиковъ^[16], Янъ Мадейка Матеевичь^[17] (1567 год); з роду Медиков з Шатин (15 верасьня 1568 году)^[18]; Gryg Medykowicz (2 жніўня 1597 году)^[19]; Ród Medyków w Szatyjach (1690 год)^[20]; Maciey Macieykiewicz (каля 1700—1702 гадоў)^[21]; Medyki… Miedziki… Medykie… Macieyki (1744 год)^[22].

Носьбіты

• Сямён Мадзейка — жыхар вёскі Падбою (Гарадзенскі павет), які ўпамінаецца ў 1631 годзе^[23]

Мадзекі — парафіяне касьцёла ў Забелі (Полацкі дэканат) на 1798 год^[24].

Мядзейкі (Miedziejka) — прыгонныя зь вёскі Барова (Ашмянскі павет), якія ўпамінаюцца ў XIX стагодзьдзі^[25].

Матэйкі (Matejka, Mateyka) гербу Помян і Матыкі (Matyk, Mattyk) — літоўскія шляхецкія роды зь Вільні^[26].

Мэдыкевіч (Medykiewicz) — прозьвішча, зафіксаванае ў XIX стагодзьдзі ў ваколіцах Сувалкаў^[27].

На 1906 год існаваў маёнтак Мацікі ў Дрысенскім павеце Віцебскай губэрні^[28].

На гістарычнай Ваўкавышчыне існуе вёска Мадзейкі, на гістарычнай Ашмяншчыне — Медзікі.