Бэрт

Бэрт, Берт (Берць, Перць) — мужчынскае імя. Жаночае імя — Бэрта.

Bert
Паходжаньне
Мова(-ы)	германскія
Іншыя формы
Варыянт(ы)	Берт, Берць, Перць
Зьвязаныя імёны	Бэртыка, Бертэль, Бэртун, Берташ, Бэртальд Альбэрт, Гербэрт, Гізбэрт, Даўбарт, Жыбарт, Кібарт, Кімбарт, Лобарт, Любарт, Лямпарт, Нарборт, Скольберт, Тыбарт, Убарт, Эйбарт
Зьвязаныя артыкулы
якія пачынаюцца з «Бэрт»

Паходжаньне

Асноўны артыкул: Імёны ліцьвінаў

Берта, Берт або Перт, пазьней Бэрт (Berto, Berht, Perht, Bert) — імя германскага паходжаньня^[1][2][3]. Іменная аснова -берт- (-бэрт-) паходзіць ад германскага berhta 'яркі'^[4][a]. Сярод ліцьвінаў бытавалі імёны Бэртыка, Бертэль, Бэртун, Берташ, Бэртальд, Альбэрт, Гербэрт, Гіжбэрт (Гізбэрт), Даўбарт, Жыбарт (Жыбэрт, Зыбарт, Зыбэрт), Кібарт (Кібэрт, Гібарт), Кімбарт, Лобарт, Любарт (Любэрт), Лямпэрт (Лямпарт), Нарборт (Норбэрт), Тыбарт, Убарт, Эйбарт (Эбарт, Эберт). Адзначаліся германскія імёны Bertike, Bertel, Berhtuni, Bertsch, Bertold, Albert, Herbert, Gisbert, Daubert, Siebart (Sybert), Kibart (Kibbert, Gibert), Gimbert, Lobert, Lubert, Norbert, Tiebert, Ubert, Eibert (Ebart).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Biert (Berta), Bertko, Biertołt (Bertułt), Adalbert, Albart, Alberta, Dalbert, Egbert, Gerbert, Gilbert, Gizebert, Godobert, Gumbert (Gumbirt, Gumbart), Gunbert, Ingbert, Lambert (Lampert, Lambart, Lampart), Libert, Lubert, Lutbert, Norbert, Olbert, Rudbert (Robert, Rubert), Rumpert (Rumpart), Szambert, Wibert, Zybert (Zybart)^[6].

У Прусіі бытавалі імёны: Bartiko / Bartike / Bartke^[b] (1404 і 1419 гады), Bartenne / Barthenne^[c] (1419 год)^[10], Lubart / Lubert^[d] (1420 год)^[12].

Варыянты імя ў гістарычных крыніцах: службами в повете Переломъскомъ, на имя… а Берътя (22 лютага 1516 году)^[13]; люди волкиницъкие… Петр Бертевич (сьнежань 1534 году)^[14]; а Яна Бертевича (2 красавіка 1539 году)^[15]; мурали Одельские Бертъ а Будрукъ Ноцковичи (13 красавіка 1539 году)^[16]; тяглыхъ людей: <…> Бертя Петковича (19 студзеня 1540 году)^[17]; суседы своими околичными, на имя Бертемъ, мураломъ (26 чэрвеня 1540 году)^[18]; Pierciowna (1671—1681 гады)^[19]; Marcella Biertowicz (1839 год)^[20][e].

Носьбіты

• Бэрт Галдэйн (1867—1937) — кінарэжысэр Вялікабрытаніі эпохі нямога кіно

Заўвагі

1. Польска-летувіская аўтарка Юстына Вальковяк прызнае за найбольш адэкватнае тлумачэньне іменных асноваў -барт- і -бар- зь летувіскай мовы bárti 'ганіць, лаяць, абражаць (кагосьці)'^[5]
2. Адзначалася германскае імя Bertke^[7] (Berteka^[8])
3. Адзначалася старажытнае германскае імя Bertin^[9]
4. Адзначалася старажытнае германскае імя Lubert^[11]
5. Таксама:

   • Бэртын, Піртын (адзначалася старажытнае германскае імя Bertin^[9]): Kazimierz Pirtyn (1843 год)^[21], у гістарычнай Прусіі існуе вёска Бэртыны, Берцыневічы (Biercyniewicz) — літоўскі шляхецкі род з Наваградзкага павету^[22];
   • Бертэр (адзначалася старажытнае германскае імя Berter^[23]): земъли нашы две пустых у повете Двора Высокого, на ймя: Бертеревъская (19 красавіка 1506 году паводле выпісу сьнежня 1534 году, паводле выпісу 16 кастрычніка 1533 году — Бейтеневъскую)^[24];
   • Бартрам (адзначалася старажытнае германскае імя Bertram^[25]): Бартрамы — літоўскі шляхецкі род^[26]