Малейка

Малейка (Маліка, Малека, Малік) — мужчынскае імя і вытворнае ад яго прозьвішча.

Malicho
Паходжаньне
Мова(-ы)	германскія
Утворанае ад	Malo + суфікс з элемэнтам -к- (-k-)
Іншыя формы
Варыянт(ы)	Маліка, Малека, Малік
Зьвязаныя артыкулы
якія пачынаюцца з «Малейка»

Паходжаньне

Асноўны артыкул: Імёны ліцьвінаў

Маліка (Malicho) — імя германскага паходжаньня^[1]. Іменная аснова мал- (імёны ліцьвінаў Мальвід, Маўкольд, Малгуд; германскія імёны Malwida, Maalgaudus, Maalgodus) паходзіць ад гоцкага malan 'малоць' або ад гоцкага mathl, стараісьляндзкага mal 'рада'^[2].

У Прусіі бытавалі прозьвішчы Maleika^[3] (у тым ліку ў ваколіцах Мэмэлю^[4]) і Maleike^[5].

Варыянты імя ў гістарычных крыніцах: Ян Малик (1537—1538 гады)^[6]; Миколаи Нарбутович Малик, боярин василишъскии (5 траўня 1537 году)^[7]; лесничий его милости берштенъский… держать под собою люди и земли близкость его… а Маликовъщину (30 сакавіка 1546 году)^[8]; Marcin Malika (6 студзеня 1700 году)^[9]; Jakuba Maleyki… pani Elżbiety Kazimierzowey Maleykowey, bywszey pisarzowey Filipowskiey… taż pani Maleykowa (2 верасьня 1762 году)^[10]; wsie Maliki (1782—1783 гады)^[11]; Marianna Małejko (1798 год)^[12]; Jakub Malikiewicz (1799 год)^[13]; Paraskowia Malejkiewicz (1842 год)^[14].

Носьбіты

• Уладзімер Малейка (Уладамірскі) (1893—1971) — беларускі савецкі актор

Малейка (Malejko, Maleyko), Малякевіч (Malekiewicz) і Малік (Malik) — прозьвішчы, зафіксаваныя ў XIX стагодзьдзі ў ваколіцах Сувалкаў^[15].

У 1690 годзе ўпаміналася мясцовасьць Малейкавічы ў Жамойцкім старостве^[16].

На 1904 год існавалі вёска і сядзіба Малейкава ў Красьнянскім павеце Смаленскай губэрні^[17].

На 1906 год існавала вёска Малікі ў Рэжыцкім павеце Віцебскай губэрні^[18].

На гістарычнай Лідчыне існуе вёска Малэйкаўшчына.