Мікольцы (вёска)

Міко́льцы^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мікольцы.

Мікольцы
трансьліт. Mikoĺcy
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	104 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222397
Нумарны знак:	5
Геаграфічныя каардынаты:	54°52′57.0″ пн. ш. 26°51′24.8″ у. д.
Мікольцы на мапе Беларусі ± Мікольцы Мікольцы
Галерэя здымкаў у Вікісховішчы

Гісторыя

• 1848 год — зьяўляліся вёскай маёнтку Мікольцы Вялейскага павету Віленскай губэрні і былі ўладаньнем І. Галкі. Вёска налічвала 18 двароў і 113 жыхароў. У вёсцы знаходзілася карчма на шляху зь Мядзела ў Кабыльнік.
• 1868 год — зьяўляліся вёскай у Мядзельскай воласьці Вялейскага павету Віленскай губэрні. Вёска налічвала 10 двароў і 88 жыхароў.
• 1904 год — вёска налічвала 191 жыхара. Побач зь вёскай знаходзіўся засьценак Мікольцы, які зьяўляўся ўладаньнем Ванасевіча. Насельніцтва засьценка складала 15 жыхароў.
• 1908 год — вёска, 21 двор, 160 жыхароў.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага ) Віленскага ваяводзтва. Вёска налічвала 32 двары і 191 жыхара, маёнтак — 1 двар і 14 жыхара
• 1921 год — bёска налічвала 44 двары і 259 жыхара, маёнтак — 3 двары і 36 жыхара
• З 12 кастрычніка 1940 году вёска знаходзіцца ў саладзе Баярскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай).
• 1948 год — створаны калгас «40 год БССР».
• З 16 ліпеня 1954 году і з 25 студзеня 1996 году вёска знаходзіцца ў складзе Мядзельскага сельсавету (з 17 лістапада 1959 году — у складзе гарпассавету Мядзельскага раёну).
• У 1959 годзе была пабудаваная 8-гадовая школа, пачаў працаваць клюб.
• 20 студзеня 1960 году вёска ўвайшла ў склад Менскай вобласьці.
• З 1960 году вёска ўваходзіць у склад кагласу «Ленінскі шлях» (да 20 лістапада 1961 году — «Сталінскі шлях») з цэнтрам у вёсцы Баяры.

Асобы

• Адольф Варановіч (1940-2001)- беларускі пісьменьнік

Насельніцтва

• 2010 год — 104 жыхары
• 1999 год — 128 жыхароў
• 1 студзеня 1997 году — 79 двароў, 148 жыхароў

Інфраструктура

У вёсцы разьмяшчаюцца клюб, бібліятэка, крама. У 1968 годзе ў гонар партызанаў Вялейшчыны каля вёскі быў усталяваны помнік.