Мікольцы (хутар)

Міко́льцы^[1] — хутар у Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мікольцы.

Мікольцы
трансьліт. Mikoĺcy
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	4 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222397
Нумарны знак:	5
Геаграфічныя каардынаты:	54°52′57.0″ пн. ш. 26°51′24.8″ у. д.
Мікольцы на мапе Беларусі ± Мікольцы Мікольцы

Гісторыя

• 1846 год — на месцы хутару знаходзіўся маёнтак Мікольцы Вялейскага павету Віленскай губэрні. Маёнтак зьяўляўся ўладаньнем І. Галкі і ў ім пражывалі 118 сялянаў. Маёнтак складаўся з фальварку Валочак і вёскі Мікольцы. Маёнтку належалі 2 карчмы, адна зь якіх знаходзілася на хутары Сьвінка, а другая — у вёсцы Мікольцы.
• 1904 год — маёнтак і фальварак знаходзяцца ў Мядзельскай воласьці Вялейскага павету і зьяўляюцца ўладаньнямі І. Галкі. У маёнку пражываюць 39 жыхароў, у фальварку — 18.
• 1921 год — фальварак пераходзіць у склад Мядзельскай гміны Дунілавіцкага, а з 1925 году — Пастаўскага павету Віленскага ваяводзтва. У складзе фальварку знаходзіўся 1 двор і 14 жыхароў.
• З 12 сьнежня 1940 году знаходзіцца ў складзе Баярскага сельсавету Мядзельскага раёну Вялейскай, а з 20 верасьня 1944 году — Маладэчанскай вобласьці. З 16 ліпеня 1954 году і з 25 студзеня 1996 году — у складзе Мядзельскага сельсавету (з 17 лістапада 1959 году — у складзе гарпассавету). З 20 студзеня 1960 году — у складзе Менскай вобласьці.
• З 1960 году — знаходзіцца ў складзе калгасу «Ленінскі шлях» (назва да 20 лістапада 1961 году — «Сталінскі шлях»).

Насельніцтва

• 2010 год — 4 жыхары
• 1999 год — 6 жыхароў
• 1 студзеня 1997 году — 4 двары, 8 жыхароў