Новыя Мілевічы

Но́выя Міле́вічы^[2] — вёска ў Беларусі, на левым беразе ракі Случы. Уваходзяць у склад Мілевіцкага сельсавету Жыткавіцкага раёну Гомельскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мілевічы (неадназначнасьць).

Новыя Мілевічы лац. Novyja Milevičy
Дата заснаваньня:	XX стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Мілевіцкі
Вышыня:	137 м н. у. м.
Насельніцтва:	77 чал. (2018)[1]
Часавы пас:	UTC+3
Тэлефонны код:	+375 2353
Паштовыя індэксы:	247976, 247977
СААТА:	3216824036
Нумарны знак:	3
Геаграфічныя каардынаты:	52°25′57″ пн. ш. 27°36′29″ у. д.
Новыя Мілевічы на мапе Беларусі ± Новыя Мілевічы Новыя Мілевічы

Назва

Асноўны артыкул: Міл (імя)

Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Міл адпавядае старажытнаму германскаму імю Milo, засьведчанаму з VIII стагодзьдзя^[3].

Гісторыя

Вёску збудавалі ў 1930-я ўцекачы зь вёскі Мілевічаў, якая ў тыя гады знаходзілася ў складзе Польскай Рэспублікі.

З 12 кастрычніка 1940 году ўваходзіць у склад Мілевіцкага сельсавету Ленінскага (з 20 студзеня 1960 году — Старобінскага, з 11 красавіка 1960 году — Жыткавіцкага) раёну Пінскай (з 8 студзеня 1954 году — Берасьцейскай, з 20 студзеня 1960 году — Менскай, з 11 красавіка 1960 году — Гомельскай) вобласьці^[4].

Насельніцтва

• 1994 год — 217 жыхароў, 90 двароў
• 1999 год — 159 жыхароў
• 2004 год — 143 жыхары, 69 двароў^[5]
• 2009 год — 109 жыхароў^[6]
• 2018 год — 77 жыхароў, 41 двор^[1]

Вуліцы

Зарэчная, Ленінская, Лясная, Партызанская, Першамайская, Савецкая, Савецкі завулак, Школьная.