Ніўкі (Мядзельскі раён)

Ні́ўкі^[1] — вёска ў Мядзельскім раёне Менскай вобласьці. Уваходзіць у склад Княгінінскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ніўкі.

Ніўкі
трансьліт. Niŭki
Краіна:	Беларусь
Вобласьць:	Менская
Раён:	Мядзельскі
Сельсавет:	Княгінінскі
Насельніцтва:	45 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222404
Нумарны знак:	5
Геаграфічныя каардынаты:	54°38′37″ пн. ш. 27°7′12″ у. д.
Ніўкі на мапе Беларусі ± Ніўкі Ніўкі

Гісторыя

• 1868 год — зьяўлялася вёскай у складзе Княгінінскай воласьці Вялейскага павету Віленскай губэрні. Вёска налічвала 21 двор і 192 жыхароў.
• 1904 год — на месцы сучаснай вёскі існавалі вёска, фальварак і габрэйская калёнія. Насельніцтва вёскі складала 312 жыхароў. Фальварак зьяўляўся ўладаньнем Дубіса, насельніцтва складала 18 жыхароў. Насельніцтва габрэйскай калёніі складала 111 жыхароў. У вёсцы працавала школа граматы, у якой у 1896/97 навучальным годзе навучаліся 22 хлопчыкі.
• 1908 год — вёска налічвала 55 двароў і 367 жыхароў.
• 1919 год — у баі супраць польскіх войскаў блізу вёскі загінулі 12 чырвонаармейцаў. У знак памяці на магіле, якая знаходзіцца за 100 мэтраў на паўночны захад ад вёскі ў лесе ў 1966 годзе была ўсталяваная стэла.
• 1921 год — вёска, засьценак і калёнія ў складзе Касьцяневіцкай гміны Вялейскага павету Віленскага ваяводзтва. У складзе вёскі знаходзіліся 72 двары і 378 жыхароў, у складзе засьценку — 4 двары і 24 жыхары, у складзе калёніі — 14 двароў і 76 жыхароў.
• 1931 год — вёска, засьценак і калёнія ў складзе Касьцяневіцкай гміны Вялейскага павету Віленскага ваяводзтва. У складзе вёскі знаходзіліся 80 двары і 421 жыхароў, у складзе засьценку — 6 двары і 38 жыхары, у складзе калёніі — 18 двароў і 103 жыхароў.
• З 12 кастрычніка 1940 году вёска знаходзіцца ў складзе Касьцяневіцкага сельсавету Вялейскага раёну Вялейскай вобласьці (з 20 верасьня 1944 году — Маладэчанскай).
• З 3 жніўня 1954 году вёска знаходзіцца ў складзе Княгінінскага сельсавету Крывіцкага раёну.
• 1949 год — створаны калгас імя Сталіна.
• З 1957 году вёска знаходзіцца ў складзе саўгасу «Крывічы» з цэнтрам у вёсцы Княгінін.
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 464 жыхары.
• З 25 сьнежня 1962 году вёска знаходзіцца ў складзе Мядзельскага раёну.

Насельніцтва

• 2010 год — 45 жыхароў
• 1999 год — 93 жыхары
• 1 студзеня 1997 году — 62 двары, 101 жыхар

Інфраструктура

У вёсцы працуюць крама і бібліятэка.