Пашкоўшчына

Пашко́ўшчына^[1] — вёска ў Мядзельскім раёне Менскай вобласьці. Уваходзіць у склад Княгінінскага сельсавету.

Пашкоўшчына
трансьліт. Paškoŭščyna
Краіна:	Беларусь
Вобласьць:	Менская
Раён:	Мядзельскі
Сельсавет:	Княгінінскі
Насельніцтва:	134 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222377
СААТА:	6240820111
Нумарны знак:	5
Геаграфічныя каардынаты:	54°39′53″ пн. ш. 27°11′2″ у. д.
Пашкоўшчына на мапе Беларусі ± Пашкоўшчына Пашкоўшчына

Гісторыя

• 1848 год — маёнтак пад назвай Пашкоўшчызна ў складзе Вялейскага павету Віленскай губэрні. Зьяўлялася ўладаньнем Валбенскіх.
• 1904 год — зьяўлялася маёнткам ў Княгінінскай воласьці Вялейскага павету, уладаньнем Горскага і іншых. Маёнтак налічваў 27 жыхароў.
• 1921 год — фальварак Пашкоўшчызна ў складзе гміны Касьцяневічы Вялейскага павету Віленскага ваяводзтва. У складзе фальварку знаходзіўся 1 двор і 33 жыхары.^[2]
• 1931 год — маёнтак Пашкоўшчызна ў складзе гміны Касьцяневічы Вялейскага павету Віленскага ваяводзтва. У складзе фальварку знаходзіўся 3 дварыў і 26 жыхароў.^[3]
• З 12 кастрычніка 1940 году знаходзіцца ў складзе Княгініскага сельсавету Крывіцкага раёну Вялейскай вобласьці (з 20 верасьня 1944 году — Маладэчанскай).
• З 1957 году вёска знаходзіцца ў складзе саўгасу «Крывічы» з цэнтрам у вёсцы Княгінін.
• 20 студзеня 1960 году вёска ўвайшла ў склад Менскай вобласьці.
• Па стане на 1960 год зьяўлялася вёскай Пашкоўшчына, налічвала 16 жыхароў.
• З 25 сьнежня 1962 году вёска знаходзіцца ў складзе Мядзельскага раёну.
• 12 лістапада 1966 году ў выніку сьсяленьня навакольных хутароў і аб’яднаньня вёсак вёскі Пашкоўшчына, Кусі і Субачы былі аб’яднаныя.

Насельніцтва

• 2010 год — 134 чалавекі
• 1999 год — 243 чалавекі
• 1 студзеня 1997 году — 127 двароў, 273 жыхары

Інфраструктура

У вёсцы разьмяшчаецца жывёлагадоўчая фэрма.