Пруднікі (Мядзельскі сельсавет)

Пру́днікі^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пруднікі.

Пруднікі
трансьліт. Prudniki
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	6 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222399
Нумарны знак:	5
Геаграфічныя каардынаты:	54°55′50.99″ пн. ш. 26°57′33.98″ у. д.
Пруднікі на мапе Беларусі ± Пруднікі Пруднікі

Гісторыя

• 1846 год — зьяўляліся маёнткам Вялейскага павету Віленскай губэрні і былі ўладаньнем Ф. Зданоўскага. Вёска налічвала 2 жыхары.
• 1868 год — зьяўляліся вёскай у Мядзельскай воласьці Вялейскага павету Віленскай губэрні. Вёска налічвала 7 двароў і 58 жыхароў.
• 1904 год — вёска налічвала 114 жыхароў. Побач таксама існаваў засьценак Пруднікі (альбо Верачата). Вёска і засьценак зьяўляліся ўладаньнем Калапенькі.
• 1908 год — у складзе вёскі 16 двароў, 107 жыхароў.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Вёска налічвала 25 двары і 133 жыхары.
• 1931 год — 25 двары і 133 жыхары^[2].
• 12 кастрычніка 1940 году вёска ўвайшла ў склад Баярскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай).
• 1948 год — створаны калгас «Сталінскі шлях».
• З 16 ліпеня 1954 году і з 25 студзеня 1996 году знаходзілася ў складзе Мядзельскага сельсавету, з 17 лістапада 1959 году — у складзе гарпассавету Мядзельскага раёну.
• 20 студзеня 1960 году вёска ўвайшла ў склад Менскай вобласьці.
• З 1960 году вёска ўваходзіць у склад калгасу «Ленінскі шлях».

Насельніцтва

• 2010 год — 6 жыхароў
• 1999 год — 10 жыхароў
• 1 студзеня 1997 году — 13 двароў, 24 жыхары