Рамель

Раме́ль^[1] (таксама — Рэмэ́ль^[1]) — вёска ў Беларусі, каля ракі Маствы. Цэнтар сельсавету Столінскага раёну Берасьцейскай вобласьці. Знаходзіцца за 4 км на поўдзень ад Альшанаў і шашы Жыткавічы — Столін (Р88), за 3 км на поўнач ад Мачулю.

Рамель лац. Ramiel
Першыя згадкі:	1452
Краіна:	Беларусь
Вобласьць:	Берасьцейская
Раён:	Столінскі
Сельсавет:	Рамельскі
Вышыня:	129 м н. у. м.
Насельніцтва:	1139 чал. (2010)
Часавы пас:	UTC+3
Тэлефонны код:	+375 1655
Паштовы індэкс:	225551
СААТА:	1258854066
Нумарны знак:	1
Геаграфічныя каардынаты:	52°2′29″ пн. ш. 27°20′24″ у. д.
Рамель на мапе Беларусі ± Рамель Рамель
Галерэя здымкаў у Вікісховішчы

Назва

Асноўны артыкул: Рамэль

Раміла (Rammilo, Ramilo) — імя германскага паходжаньня^[2][3]. Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Ramel (Ramela)^[4].

Гісторыя

Вялікае Княства Літоўскае

У пісьмовых крыніцах Рамель упершыню ўпамінаецца ў 1452 годзе. У XVI—XVIII стагодзьдзях вёска ў Вялікім Княстве Літоўскім.

Пад уладай Расейскай імпэрыі

З 1793 году — у складзе Расейскай імпэрыі. У канцы ХVIII стагодзьдзя землямі ў вёсцы валодалі Гарагляды, Рамульты, Траскоўскія, Шпігановічы. На 1886 год — 22 двары, на 1897 год — 100 двароў.

Найноўшы час

З 1921 году ў складзе Польшчы. На 30 верасьня 1921 году — 117 двароў. Да верасьня 1939 году Рамель знаходзіўся ў складзе міжваеннай Польскай Рэспублікі (Хорская гміна, Столінскі павет, Палескае ваяводзтва). На 1939 год — 151 двор.

З 1939 году ў складзе Беларускай ССР, з 12 кастрычніка 1940 году цэнтар Рамельскага сельсавету Давыд-Гарадоцкага (з 19 студзеня 1961 году — Столінскага) раёну Пінскай (з 8 студзеня 1954 году — Берасьцейскай) вобласьці^[5]. З 16 ліпеня 1954 году ў складзе Альшанскага сельсавету, з 4 траўня 1981 году — зноў цэнтар навастворанага Рамельскага сельсавету. На 2001 год — 404 двары.

Насельніцтва

• XIX стагодзьдзе: 1886 год — 260 чалавек; 1897 год — 607 чалавек (перапіс)
• ХХ стагодзьдзе: 1909 год — 801 чалавек^[6]; 30 верасьня 1921 году — 656 чалавек; 1939 год — 1145 чалавек; 1980 год — 1298 чалавек; 1999 год — 1169 чалавек; 2000 год — 1158 чалавек
• XXI стагодзьдзе: 2001 год — 1179 чалавек; 2004 год — 1183 чалавекі; 2010 год — 1139 чалавек

Эканоміка

Цэнтар сельскагаспадарчага вытворчага каапэратыву «Палеская ніва», былога калгасу «Запаветы Ленiна».

Славутасьці

• Царква Сьвятога Мікалая, пабудаваная ў 1762 годзе. У пачатку ХІХ стагодзьдзя да яе прыбудавана трохярусная званіца.

Непадалёку ад вёскі выяўлены могільнік зарубінецкай культуры.

Агурковая краіна

Уваходзіць у так званую Агурковую краіну.