Рокіль

Рокіль, Рукель (Рукля) — мужчынскае імя.

Rochilo
Паходжаньне
Мова(-ы)	германскія
Утворанае ад	Rocco + суфікс з элемэнтам -л- (-l-)
Іншыя формы
Варыянт(ы)	Рукель, Рукля, Рукула
Зьвязаныя артыкулы
якія пачынаюцца з «Рокіль»

Паходжаньне

Асноўны артыкул: Імёны ліцьвінаў

Рокула, Рокіла, Рукела або Рукла (Rocula, Rochilo, Rukelo^[1], Ruclo^[2]) — імя германскага паходжаньня^[3]. Іменная аснова хрок- (рок-, рук-) (імя ліцьвінаў Рукша; германскае імя Rocksch) паходзіць ад гоцкага hruk, стараісьляндзкага hrokr 'варона'^[4] або стараверхненямецкага (h)ruoho 'грак, сойка'^[5].

Паводле менскага дасьледніка Алёхны Дайліды, які разьвівае ўсходнегерманскую этымалёгію імёнаў літоўскіх князёў і баяраў, імя Рукля азначае «які рыкае»^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rukiel (Rukel)^[7].

У Прусіі бытавала прозьвішча Rockel^[8].

Варыянты імя ў гістарычных крыніцах: оуби Роуклѧ же Репекьӕ (Галіцка-Валынскі летапіс); село Руклишки (1554 год)^[9]; з ыменья Руклишского… з Руклишокъ и з другихъ Руклишокъ съ Колвелевскихъ (1567 год)^[10]; учтивого Ивана Рукли (25 ліпеня 1578 году)^[11]; учтивы Иванъ Рукля… звышъ мененого Ивана Рукли (30 ліпеня 1578 году)^[12].

Носьбіты

• Рукля (Рукель^[13]) — сын караля Міндоўга

Ракілевічы (Rokilewicz) — літоўскі шляхецкі род з Троцкага павету^[14].

Рукула (Rukulo) — прозьвішча, зафіксаванае ў XIX стагодзьдзі ў ваколіцах Сувалкаў^[15].

На 1910 год існавала ваколіца Рукліна ў Аршанскім павеце, а таксама вёскі Цярэні-Рукалева, Руклі і фальварак Рукалева ў Сеньненскім павеце Магілёўскай губэрні^[16].

На гістарычнай Аршаншчыне існуе вёска Руклі.