Рыдэль

Рыдэль (Рыдзель, Рытэль) — мужчынскае імя і вытворнае ад яго прозьвішча.

Riedel
Паходжаньне
Мова(-ы)	германскія
Утворанае ад	Rido + суфікс з элемэнтам -л- (-l-)
Іншыя формы
Варыянт(ы)	Рыдзель, Рытэль
Зьвязаныя артыкулы
якія пачынаюцца з «Рыдэль»

Паходжаньне

Асноўны артыкул: Імёны ліцьвінаў

Рыдэла або Рыдэль (Riddela^[1], Riedel) — імя германскага паходжаньня^[2]. Іменная аснова -рыд- (-рыт-) (імёны ліцьвінаў Рытаўт, Зэгрыда, Кантрыт; германскія імёны Ritoldus, Segrida, Guntarith) паходзіць ад бургундзкага rîdan^[3], стараісьляндзкага ridha, стараангельскага rīdan 'езьдзіць конна'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Rydel (Rydl) і Rytel^[5].

У Прусіі адзначалася імя Рытыл: Ritil (1360 год)^[6]. Апроч таго, у Прусіі бытавала прозьвішча Riedel^[7][8].

Варыянты імя ў гістарычных крыніцах: praesentibus ibidem honorabili et nobilibus… Andreae Rytel (23 красавіка 1515 году)^[9]; подсудъку Андрею Рытелю (6 красавіка 1530 году)^[10]; у Грезское волости у селе Покоршове… Еремея Рыделя службу (9 сакавіка 1537 году)^[11]; на Савку Риделевича (23 красавіка 1540 году)^[12]; подданый господарьский Радкова сотницства Савка Риделевичъ (20 жніўня 1540 году)^[13]; под Олесъком а Мартиномъ Рыделевичи (1557—1558 гады)^[14]; Ilko Rydzielewicz, Choćko Rydelewicz… Ilko, Michałko Rydzielewiczy… Sieńko, Chwećko Rydzielewiczy… Arcim Rydzielewicz (1561 год)^[15]; Станиславъ Рытел (1565 год)^[16]; Władysław Rytel, mostowniczy Witebski (30 траўня 1670 году)^[17]; Wawrzyniec Rytelo (1745 год)^[18]; Joannes Rytel (1762 год)^[19].

Носьбіты

• Станіслаў Рытэль — бельскі баярын, які ўпамінаецца ў попісе войска Вялікага Княства Літоўскага 1565 году

Рыдэлі (Rydel) — прыгонныя зь мястэчка Жодзішкаў і вёскі Раслы, якія ўпамінаюцца ў XIX стагодзьдзі^[20].

Рытэлі (Rytel) — літоўскі шляхецкі род зь Вільні^[21].

Рыдэль (Rydel) і Рытэль (Rytel) — прозьвішчы, зафіксаваныя ў XIX стагодзьдзі ў ваколіцах Сувалкаў^[22].

На 1904 год існавалі вёска Рыдулева, тры вёскі з назвай Рыдылева і вёска Рыдзілава ў Бельскім павеце Смаленскай губэрні^[23].

На гістарычнай Гарадзеншчыне існуе вёска Рыдзялі, на гістарычнай Лідчыне — Рыталеўшчына.