Рымтаўт

Рымтаўт (Рымталт), Рынтаўт — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Rim + Taut Rindr + Walt
Іншыя формы
Варыянт(ы)	Рымталт, Рынтаўт
Зьвязаныя артыкулы
якія пачынаюцца з «Рымтаўт»

Паходжаньне

Асноўны артыкул: Імёны ліцьвінаў

Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, іменная аснова -рым- (імёны ліцьвінаў Рымель, Рыман, Рымунд; германскія імёны Riemel, Rimann, Rimund) паходзіць ад гоцкага rimis 'спакой, стрыманасьць, непарухлівасьць'^[1], а аснова -тэўд- (-дэўт-, -тыд-) (імёны ліцьвінаў Таўтвід, Таўтывіл, Таўтгерд; германскія імёны Teutwidis, Theudowills, Teutgerdis) — ад þiuda^[2], германскага þeudo^[3] theuda 'род, народ'^[4]. Такім парадкам, імя Рымтаўт азначае «непарушны род»^[5]. Апроч таго, адзначалася старажытнае германскае імя Rindolt (Rind-olt)^[6].

Адпаведнасьць імя Рынтаўт германскаму імю Rindolt сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[7].

Варыянты імя ў гістарычных крыніцах: domino Hostheyko Rymtholthovycz (28 верасьня 1449 году)^[8]; бояринъ господарьский Станко Римтовтовичь (29 чэрвеня 1510 году)^[9]; Миколай Римтовтовичь (каля 1516 году)^[10]; Воитко Рымътовътовичъ (1528 год)^[11]; дядькевичу того Станка Петьку Римтoвтовичу (27 лістапада 1539 году)^[12]; Воитех Римтовтович (30 ліпеня 1545 году)^[13]; Матей Войтюлевичъ Рымътовтовичъ (1567 год)^[14]; Anastazja Ryntowtt (1809 год)^[15][a].

Носьбіты

• Гасьцейка Рымтольтавіч — літоўскі баярын, які ўпамінаецца ў 1449 годзе
• Станька Рымтаўтавіч — літоўскі баярын, які ўпамінаецца ў 1510 годзе
• Мікалай Рымтаўтавіч — радунскі баярын, які ўпамінаецца ў 1516 годзе
• Войтка Рымтаўтавіч — радунскі баярын, які ўпамінаецца ў попісе войска Вялікага Княства Літоўскага 1528 году

Рынтаўты або Рымтаўты (Ryntowt, Rymtowt) гербу Месяц дагары і страла дарта — літоўскі шляхецкі род зь Вільні і Лідзкага павету^[19].

Рымтаўты або Рынтаўты (Rymtowt, Ryntowt) — літоўскі шляхецкі род з ваколіцаў Сьвянцянаў^[20].

Рынтаўты (Ryntowt) гербу Пабог — літоўскі шляхецкі род^[21].

Рынтафты — літоўскі шляхецкі род^[22].

Рынтовічы-Рымтаўты — літоўскі шляхецкі род^[23].

Глядзіце таксама

• Рым
• Тэўта

Заўвагі

1. Таксама:

   • Рымт (адзначалася старажытнае германскае імя Rindr^[16][17]): землю пустовскую дякольную на имя Римтишки (7 ліпеня 1494 году)^[18]