Рымант

From Wikipedia, the free encyclopedia

Remove ads

Ры́мант, Рымонт (Рымунд, Рымунць, Рымонд) — мужчынскае імя і вытворнае ад яго прозьвішча.

Хуткія факты Паходжаньне, Мова(-ы) ...

Паходжаньне

Рымісмунд, Рымунд або Рымунт (Rimismund, Rimund, Rimmond[1], Rimond[1], Rimunt[2]) — імя германскага паходжаньня[3]. Іменная аснова -рым- (імёны ліцьвінаў Рымейка, Рымель, Рыман; германскія імёны Rimicho, Riemel, Rimann) паходзіць ад гоцкага rimis 'спакой, стрыманасьць, непарухлівасьць'[4], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'[5] або гоцкага munds 'моц розуму, імкненьне', mundrs 'гарлівы, палкі'[4]. Такім парадкам, імя Рымонт азначае «непарушная гарлівасьць» (тое ж, што і імя Монтрым)[6].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн[7] і амэрыканскі лінгвіст Альфрэд Зэн[8].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rymund[9].

У Прусіі бытавала прозьвішча Rimunt[10].

Варыянты імя ў гістарычных крыніцах: передъ Римонтомъ а передъ Жигимонтомъ, рицерми двема[11] (1 ліпеня 1388 году, паводле суправаджальнага тэксту XVI ст.); Рымонъ и Жыкгмонтъ, жолнере альбо бояре з Литвы (18 чэрвеня 1389 году)[12]; czernec Ławrasz, po litowsku zowemy Rymont, a po rusku Wasiley (Хроніка Быхаўца)[13]; Щастный Рымонтъ (30 верасьня 1565 году[14], 1567 год[15]); Янъ Станиславъ Рымонътъ… Миколаи Рымонтъ (1565 год)[16]; Щефанъ Петровичъ Рымундъ[17], Юри Станиславовичъ Рымондъ[18] (1567 год); слуга мой Янъ Римонть (10 жніўня 1619 году)[19]; Rimundus (Альбэрт Каяловіч, 1650 год)[20]; Awgustyna Rymontowicza (1652 год)[21]; Ród Rymuńców (1690 год)[22]; Jozeph Stephan Rymont (14 студзеня 1691 году)[23]; od P. Samuela Rymunda (1690 год)[24]; wieś Rymandziszki (1782—1783 гады)[25]; Rymontt (XVIII—XX ст.)[26]; Rymont (23 красавіка 1795 году)[27].

Remove ads

Носьбіты

  • Рымісмунд ( 469) — кароль свэваў у Галісіі
  • Рымант (у праваслаўі Васіль, у манастве Лаўрыш) — літоўскі князь, сын Трайдзеня
  • Рымант — літоўскі баярын, які ўпамінаецца ў 1388—1389 гадох
  • Мікалай Рымант — літоўскі баярын з Трабаў, які ўпамінаецца ў попісе войска 1565 году
  • Шчасны Рымант — літоўскі баярын, які ўпамінаецца ў попісе войска 1565 году
  • Юзэф Стэфан Рымант — намесьнік гроду Пінскага, які ўпамінаецца ў 1691 годзе

Рыманты — парафіяне касьцёла ў Альковічах на 1853 год[28].

Рыманты — парафіяне касьцёла ў Даўгінаве на 1900 год[29].

Рыманты (Рымонты, Рымунты) — літоўскі шляхецкі род[30].

Рымунтовічы (Rymuntowicz) — літоўскі шляхецкі род[31].

На гістарычнай Лідчыне існуе вёска Рыманды.

Remove ads

Глядзіце таксама

Крыніцы

Літаратура

Loading related searches...

Wikiwand - on

Seamless Wikipedia browsing. On steroids.

Remove ads