Рымут

Рымут (Рымуць) — мужчынскае імя.

Rymut
Паходжаньне
Мова(-ы)	германскія
Утворанае ад	Rim + суфікс з элемэнтам -т- (-t-) Rim + Muta
Іншыя формы
Варыянт(ы)	Рымуць
Зьвязаныя артыкулы
якія пачынаюцца з «Рымут»

Паходжаньне

Асноўны артыкул: Імёны ліцьвінаў

Рым (Rim) — імя германскага паходжаньня^[1]. Іменная аснова -рым- (імёны ліцьвінаў Рымель, Рыман, Рымунд; германскія імёны Riemel, Rimann, Rimund) паходзіць ад гоцкага rimis 'спакой, стрыманасьць, непарухлівасьць'^[2]. Антрапанімічны суфікс-пашыральнік -ут- (-ut-) адзначаецца як у германскіх, так і ў славянскіх мовах^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rymut^[4].

У Прусіі адзначалася прозьвішча Riemuth^[5].

Варыянты імя ў гістарычных крыніцах: Глебу Оньдреевичу чоловекь Римути^[6], у Красномъ Селе. Корсаковичю два чоловеки: Ходу Римутевичъ а братаничъ его Ондреевичъ^[7] (1440—1492 гады); три чоловеки в Городенском повете на имя Мотя Римутевича (15 чэрвеня 1516 году)^[8]; люди, пять служобъ… а Щепела Рымутевича (1532 год)^[9]; бояр… Субочъ Рымутичъ (27 кастрычніка 1538 году)^[10]; люди господарьские… Римути Совкгутевичъ (14 ліпеня 1539 году)^[11]; Томаш Рымутевич… Янушко Римутевич… Павел Рымутевич (1 ліпеня 1542 году)^[12]; подданых двора Онтуровского… у Яна Римутевича (3 жніўня 1562 году)^[13].

Носьбіты

• Мантрым Рымутавіч — жыхар Жамойцкага староства, які ўпамінаецца ў 1537—1538 гадох^[14]

На 1903 год сядзіба Рымуцішкі існавала ў Новааляксандраўскім павеце^[15].

На гістарычнай Браслаўшчыне існуе вёска Рымуці, на гістарычнай Гарадзеншчыне — Рымуцеўцы.